(អាហ្វហ្គានីស្ថាន)៖ យោងតាមប៉ូលិសក្រុងបានឲ្យដឹងថា យ៉ាងហោចណាស់មនុស្សចំនួន២៥នាក់បានស្លាប់ និងមនុស្ស ៥២នាក់ផ្សេងទៀតរងរបួសក្នុងហេតុការណ៍ផ្ទុះគ្រាប់បែកច្នៃនៅក្រៅសាលារៀនមួយកន្លែង ភាគខាងលិចទីក្រុងកាប៊ុល ប្រទេសអាហ្វហ្គានីស្ថាន។
ប៉ូលិសក្រុងកាប៊ុល លោក Basir Mujahed បានឲ្យដឹងថា យោងតាមការអង្កេតលើទំហំនៃការផ្ទុះបង្ហាញថានឹងមានចំនួនអ្នករបួសកើនឡើង ហើយជនរងគ្រោះទាំងនោះសុទ្ធតែជាអាណាព្យាបាល សិស្សសាលា និងអ្នកដែលដើរឆ្លងកាត់តំបន់នោះ។ ហេតុការណ៍ដ៏សាហាវនេះបានកើតឡើងនៅមុខសាលាវិទ្យាល័យ Sayyed-ul-Shuhada ក្នុងក្រុង Etifaq នៅតំបន់ Police District 13 វេលាម៉ោង៤និង៣០នាទី រសៀល ថ្ងៃសៅរ៍ ទី១៥ ខែឧសភា ឆ្នាំ២០២១ (ម៉ោងនៅក្នុងតំបន់)។
ហេតុការណ៍ផ្ទុះនេះកើតឡើងដោយសារគ្រាប់បែកច្នៃ (Improvised Explosive Devices (IEDs) ដែលរៀបចំឡើងដោយភេរវករបានផ្ទុះឡើង។
មកទល់ពេលនេះ ពុំទាន់មានក្រុមណាមួយអះអាងពីការវាយប្រហារនេះទេ៕
ប្រែសម្រួល៖ ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី០៨ ខែឧសភា ឆ្នាំ២០២១
