គណៈប្រតិភូសន្តិសុខអ៊ីរ៉ាក់គ្រោងនឹងធ្វើទស្សនកិច្ចនៅតំបន់ឃឺដនៅថ្ងៃអាទិត្យនេះដើម្បីពិភាក្សាពីការអនុវត្តកិច្ចព្រមព្រៀងក្រុង Sinjar និងបញ្ហាសន្តិសុខតំបន់ដែលមានជម្លោះជាមួយមន្ត្រីក្នុងតំបន់។
យោងតាមទីភ្នាក់ងារសារព័ត៌មានអ៊ីរ៉ាក់បានឱ្យដឹងថាគណៈប្រតិភូសន្តិសុខជាន់ខ្ពស់អ៊ីរ៉ាក់ដឹកនាំដោយលោក Qassem Al-Araji ទីប្រឹក្សាសន្តិសុខជាតិអ៊ីរ៉ាក់ និងសមាជិកចូលរួមមានដូចជានាយកទីភ្នាក់ងារស៊ើបការណ៍សម្ងាត់ និងប្រឆាំងភេរវកម្មនៅក្នុងក្រសួងមហាផ្ទៃ កងកំលាំងចម្រុះអ៊ីរ៉ាក់ និងមេបញ្ជាការយោធាមួយចំនួនកំពុងធ្វើទស្សនកិច្ចនៅតំបន់ឃឺដ។
ទីភ្នាក់ងារសារព័ត៌មានអ៊ីរ៉ាក់បានប្រាប់ឱ្យដឹងទៀតថាគោលបំណងនៃដំណើរទស្សនកិច្ចនេះគឺដើម្បីពិភាក្សាអំពីការអនុវត្តកិច្ចព្រមព្រៀងក្រុង Sinjar បញ្ហាសន្តិសុខនៅក្នុងតំបន់ដែលមានជម្លោះ និងការសម្របសម្រួលរួមគ្នារវាងភាគីទាំងពីរ។
អ្នកប្រែសម្រួល៖ គល់ សេងហាក់
ប្រភពព័ត៌មានពី kurdiu ចេញផ្សាយថ្ងៃទី៩ ខែឧសភា ឆ្នាំ២០២១
