ប្រទេសអ៊ីរ៉ាក់៖ យោធាអ៊ីរ៉ាក់និយាយថា សមាជិកភេរវករ IS ចំនួន ៥នាក់ ត្រូវបានសម្លាប់នៅថ្ងៃអង្គារក្នុងការប្រយុទ្ធគ្នាជាមួយកងកម្លាំងរដ្ឋាភិបាលអ៊ីរ៉ាក់នៅភាគខាងជើងខេត្តនីនឺវា (Nineveh)។
ក្រសួងការពារជាតិអ៊ីរ៉ាក់លើកឡើងនៅក្នុងសេចក្តីថ្លែងការណ៍ដោយផ្អែកលើរបាយការណ៍ចារកម្មថា យោធាអ៊ីរ៉ាក់បានវាយឆ្មក់ចូលទៅទីតាំងលាក់ខ្លួនរបស់ក្រុម IS ក្បែរភូមិមួយក្នុងខេត្តនីនីវេ និងសម្លាប់អ្នកបំផ្ទុះគ្រាប់បែកអត្តឃាតចំនួន ៥នាក់ ដែលមានពាក់ខ្សែក្រវាត់បំផ្ទុះគ្រាប់បែក។ កម្លាំងយោធាថែមទាំងបានរឹបអូសយកអាវុធ និងបំផ្លាញជម្រករបស់ភេរវករ។
កម្លាំងយោធាអ៊ីរ៉ាក់ធ្វើប្រតិបត្តិការនេះក្រោយពេលដែលក្រុមភេរវករISបង្កើនការវាយប្រហាររបស់ពួកគេលើកងកម្លាំងសន្តិសុខ និងជនស៊ីវិលនៅក្នុងខេត្តស៊ុននី (Sunni ) បណ្តាលឲ្យមនុស្សស្លាប់ និងរបួសជាច្រើននាក់។
គួររំលឹកផងដែរថា ស្ថានភាពសន្តិសុខនៅក្នុងប្រទេសអ៊ីរ៉ាក់មានភាពប្រសើរឡើងចាប់តាំងពីកងកម្លាំងអ៊ីរ៉ាក់ធ្វើប្រតិបត្តិការទ្រង់ទ្រាយធំកម្ចាត់ក្រុមឧទ្ទាម IS ទូរទាំងប្រទេសនៅចុងឆ្នាំ២០១៧ ។ ទោះជាយ៉ាងណា សមាជិកក្រុមឧទ្ទាមដែលលាក់ខ្លួនតាមតំបន់ដាច់ស្រយាល និងតំបន់វាលខ្សាច់នៅតែបន្តវាយឆ្មក់សម្លាប់កម្លាំងសន្តិសុខ និងជនស៊ីវិលជាបន្តបន្ទាប់៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១២ ខែឧសភា ឆ្នាំ២០២១
