ការវាយប្រហារចុងក្រោយរបស់ក្រុមសកម្មប្រយុទ្ធ IS លើកងកម្លាំងយោធា Peshmerga ស្ថិតនៅតំបន់ឃឺដបានបណ្តាលឱ្យកងកម្លាំងជនជាតិឃឺដម្នាក់ស្លាប់។
នៅយប់ថ្ងៃអង្គារវេលាម៉ោងប្រហែលជា ១០ និង០០នាទីយប់ ម៉ោងនៅរដ្ឋធានីអេលប៊ីល (Erbil) ក្រុមឧទ្ទាម IS បានវាយប្រហារលើកងកម្លាំងយោធា Peshmerga ស្ថិតនៅក្នុងតំបន់មួយ ស្ថិតនៅចន្លោះភូមិ Balaga និង Omar Bil។
នៅក្នុងហេតុការណ៍វាយប្រហារនេះ បានបណ្តាលឱ្យ កងកម្លាំងយោធា Peshmerga ម្នាក់រងរបួសធ្ងន់ ហើយក្រោយមកបានស្លាប់នៅឯមន្ទីរពេទ្យ។
គួររំលឹកថាមេដឹកនាំឃឺដបានព្រមានម្តងហើយម្តងទៀតអំពីការកើតឡើងជាថ្មីរបស់ក្រុមសកម្មប្រយុទ្ធ IS ស្ថិតនៅក្នុងតំបន់ផ្សេងៗនៃប្រទេសអ៊ីរ៉ាក់ ជាពិសេសស្ថិតនៅក្នុងទឹកដីដែលមានជម្លោះរវាងរដ្ឋធានីអេលប៊ីល និងរដ្ឋធានីបាដាដ ដែលជាទីកន្លែងដែលក្រុមជីហាដនិយមអនុវត្តសកម្មភាពភេរវកម្ម៕
អ្នកប្រែសម្រួល៖ គល់ សេងហាក់
ប្រភពព័ត៌មានពី basnews ចេញផ្សាយថ្ងៃទី១២ ខែឧសភា ឆ្នាំ២០២១
