កម្លាំងចម្រុះដឹកនាំដោយអារ៉ាប៊ីសាអូឌីតប្រកាសនៅថ្ងៃព្រហស្បតិ៍ថា កម្លាំងចម្រុះស្ទាក់ចាប់ដ្រូន(យន្តហោះគ្មានមនុស្សបើក) ចំនួន ០៨គ្រឿង និងមីស៊ីលចំនួន ៣គ្រាប់ ដែលបាញ់ដោយក្រុមឧទ្ទាមហ៊ូទី។
កម្លាំងចម្រុះនិយាយនៅក្នុងសេចក្តីថ្លែងការណ៍ថា ប្រព័ន្ធការពារអាកាសអារ៉ាប៊ីសាអូឌីតបានស្ទាក់ចាប់ និងបំផ្លាញដ្រូនដឹកគ្រាប់បែកចំនួន ៨គ្រឿង និងមីស៊ីលចំនួន ៣គ្រាប់ដែល កំណត់គោលដៅលើទឹកដីប្រទេសអារ៉ាប៊ីសាអូឌីត។ គ្រាប់ទាំងនោះបាញ់បង្ហោះដើម្បីសម្លាប់ជនស៊ីវិល ដូច្នេះហើយកងកម្លាំងចម្រុះបានចាត់វិធានការណ៍ទប់ស្កាត់ដើម្បីការពារប្រជាជន។
សូមបញ្ជាក់ថា ការវាយប្រហារនេះគឺជាការវវាយប្រហារមួយក្នុងចំណោមការវាយប្រហារផ្សេងៗទៀត ដែលកំណត់គោលដៅលើតំបន់ផ្សេងៗនៅប្រទេសរ៉ាប៊ីសាអូឌីត។
នៅថ្ងៃចន្ទ ទី១០ ខែឧសភា កម្លាំងចម្រុះក៏បានស្ទាក់ចាប់គ្រាប់មីស៊ីលមួយគ្រាប់ ដែលបានកំណត់គោលដៅលើអាកាសយាន្តដ្ឋាន Abha International Airport។
ប្រែសម្រួល៖ ប៉ោក លក្ខិណា
ប្រភពព័ត៌មានxinhuanet ចុះផ្សាយថ្ងៃទី១៣ ខែឧសភា ឆ្នាំ២០២១
