(អ៊ីរ៉ង់)៖ នៅក្នុងការសន្ទនាតាមទូរស័ព្ទជាមួយមេដឹកនាំក្រុមសកម្មប្រយុទ្ធហ៉ាម៉ាស់ លោក អ៊ីសម៉េល ហានីយ៉េ (Ismail Haniyeh) មេបញ្ជាការកងពលតូចកងអង្គរក្សបដិវត្តអឺរ៉ង់អា់ឃូដលោក អេសម៉េល ហ្គាអានី (Esmail Qa’ani) ធានាថានឹងផ្តល់នូវការគាំទ្រទាំងស្រុងដល់ក្រុមសកម្មប្រយុទ្ធហាម៉ាស់ នេះបើយោងតាមប្រព័ន្ធផ្សព្វផ្សាយរដ្ឋអ៊ីរ៉ង់។
យោងតាមបណ្តាញព័ត៌មានអាល់អាឡាមបញ្ជាក់ឲ្យដឹងថា លោកហានីយ៉េអរគុណដល់មេដឹកនាំអ៉ឺរ៉ង់ដែលបានផ្តល់ការគាំទ្រ ហើយលោកថែមទាំងអះអាងថា ការប្រយុទ្ធជាមួយប្រទេសអ៊ីស្រាអែលពុំមែនជាកាតព្វកិច្ចរបស់សកម្មប្រយុទ្ធហ៉ាម៉ាស់តែម្នាក់នោះទេ ប៉ុន្តែវាគឺជាកាតព្វកិច្ចរបស់ជនជាតិអ៊ីស្លាមទាំងអស់នៅទូរទាំងពិភពលោក។
យ៉ាងណាមិញ នៅក្នុងជម្លោះមួយនេះប្រទេសអ៊ីរ៉ង់ពុំសូវចេញមុខខ្លាំងនោះទេ។ យោងតាមការសង្កេតជាក់ស្តែងឃើញថា ការចរចារលើអាវុធនុយក្លេអ៊ែរជាកត្តាចម្បងសំខាន់មួយ ដែលប្រទេសអ៊ីរ៉ង់មិនចង់បាត់បង់ ដូច្នេះហើយនោះគឺជាមូលហេតុដែលប្រទេសអ៊ីរ៉ង់ពុំលូកដៃខ្លាំងទៅក្នុងជម្លោះមួយនេះ៕
ប្រែសម្រួល៖ ប៉ោក លក្ខិណា
ប្រភពព័ត៌មាន Aljazeera ចុះផ្សាយថ្ងៃទី១៦ ខែឧសភា ឆ្នាំ២០២១
