ប្រទេសអារ៉ាប៊ីសាអូឌីត៖ស្តេចប្រទេសអារ៉ាប៊ីសាអូឌីត សាលម៉ាន ប៊ីន អាបដុលឡាហ្ស៉ីស អាល សោឌី (Salman bin Abdulaziz Al Saudi) បានបញ្ជាក់នៅថ្ងៃសុក្រពីកិច្ចខិតខំប្រឹងប្រែងបន្តរបស់ប្រទេសខ្លួនដើម្បីគាំទ្រដល់ប្រទេសប៉ាឡេស្ទីន។ នេះបើយោងតាមសេចក្តីរាយការណ៍របស់ភ្នាក់ងារសារព័ត៌មានអារ៉ាប៊ីសាអ៊ូឌីត។
ស្តេចបានបញ្ជាក់ក្នុងអំឡុងពេលនិយាយទូរស័ព្ទជាមួយប្រធានាធិបតីប៉ាឡេស្ទីន លោក
ម៉ាម៉ូដ អាបាស់ (Mahmoud Abbas) ដោយលោកអាបាស់បានកោតសរសើរចំពោះការគាំទ្ររបស់រដ្ឋាភិបាលប្រទេសអារ៉ាប៊ីសាអូឌីតតាមរយៈអង្គភាពអន្តរជាតិអ៊ីស្លាម និងអារ៉ាប់។
យ៉ាងណាមិញ រដ្ឋមន្រ្តីក្រសួងការបរទេសអារ៉ាប៊ីសាអូឌីតបានធ្វើកិច្ចស្វាគមន៍ក្នុងសេចក្តីថ្លែងការណ៍មួយនៅថ្ងៃសុក្រចំពោះការប្រកាសបទឈប់បាញ់គ្នានៅក្នុងតំបន់ហ្គាហ្សា ស្ទ្រីប ដោយបានបង្ហាញការកោតសរសើរចំពោះកិច្ចខិតខំប្រឹងប្រែងរបស់ប្រទេសអេហ្ស៊ីប និងអង្គការអន្តរជាតិនៅក្នុងការដោះស្រាយជម្លោះនេះ៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយនៅថ្ងៃទី២២ ខែឧសភា
