អ្នកនាំពាក្យមានប្រសាសន៍ថា នៅក្នុងហេតុការណ៍វាយប្រហារតាមអាកាស យន្ដហោះប្រយុទ្ធបានវាយប្រហារកំណត់គោលដៅលើទីតាំងលាក់ខ្លួនរបស់ក្រុមសកម្មប្រយុទ្ធតាលីបង់នៅសង្កាត់អាក់ឆា (Aqcha) នៅរសៀលថ្ងៃពុធ ដោយបានសម្លាប់មេបញ្ជាការតាលីបង់មួយរូបគឺលោក ខ្វារ៉ី មូប៊ីន (Qari Mubin) ជាមួយនឹងសមាជិកសកម្មប្រយុទ្ធតាលីបង់ចំនួន១៧នាក់ផ្សេងទៀត និងសមាជិកសកម្មប្រយុទ្ធ៧នាក់ផ្សេងទៀតរងរបួស។
ក្រុមសកម្មប្រយុទ្ធតាលីបង់ ដែលបានបង្កើនសកម្មភាពវាយប្រហារចាប់តាំងពីកងកម្លាំងទ័ពដឹកនាំដោយសហរដ្ឋអាមេរិក ចាកចេញពីប្រទេសអាហ្វហ្គានីស្ថានជាផ្លូវការនៅថ្ងៃទី០១ ខែឧសភា ពុំទាន់ធ្វើការអត្ថាធិប្បាយណាមួយនោះទេ។
ការប្រយុទ្ធគ្នាយ៉ាងក្តៅគគុកនៅតែបន្តកើតមានរវាងកម្លាំងសន្តិសុខ និងក្រុមសកម្មប្រយុទ្ធតាលីបង់ក្នុងសង្កាត់អាក់ឆានៅរយៈពេលប៉ុនា្មនសប្តាហ៍កន្លងមកនេះ។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៥ ខែមិថុនា ឆ្នាំ២០២១
