មនុស្សម្នាក់ស្លាប់ និង១២នាក់រងរបួសក្នុងហេតុការណ៍បាញ់ជាច្រើនលើកនៅសហរដ្ឋអាមេរិក

សហរដ្ឋអាមេរិក៖មនុស្សម្នាក់ត្រូវបានសម្លាប់ និង១២នាក់ផ្សេងទៀតរងរបួសក្នុងហេតុការណ៍បាញ់ប្រហារជាច្រើនទីតាំងនៅក្នុងតំបន់ទីប្រជុំជនហ្វីនីច (Phoenix)រដ្ឋអារ៉ីហ្សូណា (Arizona) សហរដ្ឋអាមេរិកនៅរសៀលថ្ងៃព្រហស្បតិ៍។ ក្រោយមក ជនសង្ស័យត្រូវបានសមត្ថកិច្ចចាប់ខ្លួន។

យោងតាមប្រភពនាយកដ្ឋានប៉ូលិសទីក្រុងភីអូររៀរ(Peoria) ដែលបានដឹកនាំការស៊ើបអង្កេតបានឲ្យដឹងថា ការបាញ់ប្រហារនោះបានកើតឡើងនៅទីតាំងចំនួន ៨កន្លែងផ្សេងគ្នានៅទូទាំងទីក្រុងវ៉េស វ៉ាឡេ(West Valley) ក្នុងតំបន់ទីប្រជុំជនហ្វីនីច(Phoenix)ដែលមាន
រយៈពេលលើសពីមួយម៉ោងកន្លះ។

ប៉ូលិសទីក្រុងភីអូររៀរមានប្រសាសន៍ក្នុងសេចក្តីថ្លែងការណ៍ខ្លីមួយថា ជនរងគ្រោះចំនួន៤នាក់ក្នុងចំណោម១៣នាក់រងគ្រាប់កាំភ្លើងម្នាក់មួយគ្រាប់ និងជនរងគ្រោះ ៩នាក់ផ្សេងទៀតរងរបួសដោយមិនបានត្រូវគ្រាប់កាំភ្លើងនោះទេ៕

ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី១៨ ខែមិថុនា ឆ្នាំ២០២១