ប្រទេសប៉ាគីស្ថាន៖ប្រព័ន្ធផ្សព្វផ្សាយក្នុងស្រុករាយការណ៍ថា យ៉ាងហោចណាស់មនុស្ស៩នាក់ត្រូវបានសម្លាប់ និង៣៩នាក់រងរបួសនៅព្រឹកថ្ងៃពុធ នៅពេលដែលហេតុការណ៍ផ្ទុះមួយបានវាយប្រហារលើរថយន្តដឹកកម្មករក្នុងស្រុកអាប់ភើរកូអ៊ីសស្ថាន (UpperKohistan) នៅភាគពាយ័ព្យខេត្តផាកថុនវ៉ា (Pakhtunkhwa) នៃប្រទេសប៉ាគីស្ថាន។
ប្រព័ន្ធផ្សព្វផ្សាយក្នុងតំបន់បានដកស្រង់សម្តីមន្រ្តីមានសេចក្តីថា រថយន្តកំពុងតែដឹកកម្មករទៅកន្លែងធ្វើការក្នុងតំបន់ដាសូ (Dasu) នៅពេលដែលរថយន្តនោះរងការវាយប្រហារពីហេតុការណ៍បំផ្ទុះ។
កម្លាំងសន្តិសុខ ប៉ូលិស និងក្រុមជួយសង្គ្រោះបានប្រញាប់ប្រញាល់ទៅកាន់ទីតាំងកើតហេតុ និងជញ្ចូនសាកសព រួមទាំងអ្នករងរបួសទៅកាន់មន្ទីរពេទ្យក្បែរនោះ៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី១៤ ខែកក្កដា ឆ្នាំ២០២១
