ប្រទេសប៉ាគីស្ថាន៖ ប្រភពព័ត៌មានពីមន្ត្រីប៉ូលិសបានប្រាប់ឲ្យដឹងថា ទាហាន ១នាក់ត្រូវបាន សម្លាប់ក្នុងការវាយប្រហារដោយកក្រុមសកម្មប្រយុទ្ធមិនស្គាល់អត្តសញ្ញាណនៅស្រុកខាយប័រ ភាគពាយ័ព្យនៃប្រទេសប៉ាគីស្ថាននៅថ្ងៃពុធ។
សមាជិកសកម្មប្រយុទ្ធបានវាយប្រហារលើប៉ុស្តិ៍ត្រួតពិនិត្យរបស់ទាហានប៉ារ៉ាហ្វ្រាន់ក្រប (Frontier Corps) ក្នុងតំបន់ជេមរ៉ូដនៅពេលទាហានកំពុងបំពេញកាតព្វកិច្ចជាសន្តិសុខ។
ប្រភពដដែលបន្ថែមថា ការវាយប្រហារបណ្តាលឲ្យទាហាន ១នាក់ស្លាប់ ហើយកម្លាំងទ័ពក៏ បានវាយបក បង្ខំឲ្យអ្នកវាយប្រហាររត់គេចខ្លួន។ ប្រតិបត្តិការស្វែងរកត្រូវបានធ្វើឡើងក្នុងតំបន់ដើម្បីចាប់ខ្លួនអ្នកវាយប្រហារដែលបានរត់គេចខ្លួន។
យ៉ាងណាមិញ មិនទាន់មានក្រុម ឬបុគ្គលណាមួយអះអាងទទួលខុសត្រូវចំពោះការវាយប្រហារនេះនៅឡើយទេ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១១ ខែវិច្ឆិកា ឆ្នាំ២០២១
