ប្រទេសរុស្ស៊ី៖ភ្នាក់ងារសារព័ត៌មាន TASS បានរាយការណ៍ថា បុរសអាយុ ១៨ឆ្នាំម្នាក់បាន បំផ្ទុះគ្រាប់បែកផលិតដោយខ្លួនឯងក្នុងវិហារមួយនៅជាយក្រុង ដោយបានសម្លាប់ខ្លួន និង
បណ្តាលឲ្យមនុស្ស ០៨នាក់ផ្សេងទៀតរងរបួសនៅថ្ងៃចន្ទ។
ប្រភពដដែលបញ្ជាក់ឲ្យដឹងថា អ្នកវាយប្រហារ ជាអតីតសិស្សនៅសាលាគ្រិស្តអូស្សូដក់ នៃវិហារវ៉ីវីឌិនស្គីវ៉ាឌីនី( Vvedensky Vladychny) ដោយសារតែមានជម្លោះផ្ទាល់ខ្លួនជាមួយសិស្ស និងគ្រូជាច្រើនទៀត។
ក្មេងជំទង់ ៧នាក់ស្ថិតក្នុងចំណោមអ្នករងរបួស ហើយហេតុការណ៍បំផ្ទុះបានបំផ្លាញទ្វារសាលាវិហារដែលមានអាយុរាប់សតវត្សរ៍មកហើយ។
នៅក្នុងរបាយការណ៍បានបញ្ជាក់ផងដែរថា ជនល្មើសគ្រោងនឹងបើកការវាយប្រហារក្នុងអំឡុងពេលអធិស្ឋានពេលព្រឹក ប៉ុន្តែគ្រាប់បែកបានផ្ទុះនៅច្រកចូល៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៣ ខែធ្នូ ឆ្នាំ២០២១
