ប្រទេសប៉ាគីស្ថាន៖ ក្នុងសេចក្តីថ្លែងការណ៍របស់កងទ័ពកាលពីថ្ងៃសៅរ៍មានខ្លឹមសារថា ក្រុមភេរវករ៣នាក់ រួមទាំងមេបញ្ជាការម្នាក់ត្រូវបានសម្លាប់ និងមន្ត្រីសន្តិសុខម្នាក់បានរងរបួសក្នុងហេតុការណ៍បាញ់ប្រហារវាងកងកម្លាំងសន្តិសុខ និងក្រុមភេរវករនៅក្នុងខេត្តខាយបឺរ ផាកថុនវ៉ាភាគពាយ័ព្យនៃប្រទេសប៉ាគីស្ថាន។
សេចក្តីថ្លែងការណ៍ដដែលបង្ហាញថា កម្លាំងសន្តិសុខបានធ្វើប្រតិបត្តិការស៊ើបការណ៍សម្ងាត់មួយក្នុងស្រុកបានចួរ។ ក្នុងអំឡុងពេលបាញ់តបតគ្នានេះ មេបញ្ជាការភេរវករម្នាក់ត្រូវបានសម្លាប់ និងមន្ត្រីសន្តិសុខម្នាក់បានរងរបួស នេះបើតាមភ្នាក់ងារទំនាក់ទំនងសាធារណៈអន្តរសេវាកម្ម (ISPR) បានលើកឡើងនៅក្នុងសេចក្តីថ្លែងការណ៍។
នៅក្នុងប្រតិបត្តិការមួយផ្សេងទៀត ក្រុមភេរវករ២ក្រុមត្រូវបានសម្លាប់នៅក្នុងហេតុការណ៍បាញ់ប្រហារជាមួយកងកម្លាំងសន្តិសុខនៅក្នុងតំបន់ប៉ូយ៉ានៃភាគខាងជើងស្រុកវ៉ាហ្ស៊ីរ៉ីស្ថាន៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី១៨ ខែធ្នូ ឆ្នាំ២០២១
