ប្រទេសប៉ាគីស្ថាន៖ ប៉ូលិស និងប្រព័ន្ធផ្សព្វផ្សាយក្នុងស្រុកនិយាយកាលពីថ្ងៃអាទិត្យថា គ្រាប់បែកបានផ្ទុះចំរថយន្តមួយគ្រឿងក្នុងស្រុកបានចួរក្នុងខេត្តខាយបឺរផាក
ថុនវ៉ា ដោយបានសម្លាប់មនុស្សយ៉ាងហោចណាស់២នាក់ និងបណ្តាលឲ្យមនុស្ស៥នាក់
របួស។
បើយោងតាមការបញ្ជាក់ពីប៉ូលិសក្នុងតំបន់បានឲ្យដឹងថា គ្រឿងផ្ទុះដែលបង្កប់នៅតាមផ្លូវដោយជនទុច្ចរិត បានផ្ទុះឡើងចំរថយន្តដឹកកម្មកររបស់គណបក្សនយោបាយ ដែលបើកបរឆ្លងកាត់តំបន់កាម៉ាសា នៃស្រុកបានចួរ។
កម្លាំងសន្តិសុខ និងក្រុមជួយសង្គ្រោះប្រញាប់ប្រញាល់ទៅកាន់ទីតាំងកើតហេតុ ហើយបានបញ្ជូនអ្នករបួសទៅមន្ទីរពេទ្យក្បែរនោះ ហើយអ្នករបួសមួយចំនួនស្ថិតក្នុងស្ថានភាពធ្ងន់ធ្ងរ។
កម្លាំងសន្តិសុខបានការពារតំបន់នោះ និងបានចាប់ផ្តើមធ្វើប្រតិបត្តិការរុករក។ រហូតមកទល់ពេលនេះ ពុំទាន់មានក្រុម ឬបុគ្គលណាមួយអះអាងពីការវាយប្រហារនេះទេ៕
ប្រែសម្រួល៖ប៉ោក លក្ខិណា