ទាហាន​ឥណ្ឌូណេស៊ី ​៣​នាក់​ស្លាប់​ក្នុង​ការ​វាយ​ឆ្មក់​ដោយ​ក្រុម​ប្រដាប់​អាវុធ​

0

ប្រទេសឥណ្ឌូនេស៊ី៖មន្ត្រីយោធានិយាយនៅថ្ងៃព្រហស្បតិ៍ថា ទាហានឥណ្ឌូនេស៊ី ៣នាក់ ត្រូវបានសម្លាប់ និងទាហានម្នាក់រងរបួសធ្ងន់ធ្ងរ ​ក្នុង​ការ​វាយ​ប្រហារ​ដោយ​ក្រុមប្រដាប់​អាវុធ នៅភាគខាងកើតខេត្តប៉ាពួ។

អ្នកនាំពាក្យបញ្ជាការយោធា Papua Cendrawasih លោកអាក់ស្ហារ អៀសឡេនហ្គា លើកឡើងក្នុងសេចក្តី​ថ្លែងការណ៍​មួយ​នៅ​ព្រឹក​ថ្ងៃ​ព្រហស្បតិ៍មានខ្លឹមសារ ទាហានរំដោះជាតិនៃខេត្តប៉ាពួខាងលិច (TPNBP) វាយឆ្មក់លើ​ប៉ុស្តិ៍​យោធា​មួយ​នៅ​ក្នុង​ស្រុកហ្គូមផុនចាក ដែលស្ថតនៅតំបន់ខ្ពង់រាប។

លោកអៀសឡេនហ្គាមានប្រសាសន៍ថា ក្នុងអំឡុងពេលនៃការប្រយុទ្ធគ្នាដោយកាំភ្លើង ក្រុមឧទ្ទាមបានបាញ់សម្លាប់បុគ្គលិកយោធា ០៣នាក់ និងបណ្តាលឲ្យទាហានម្នាក់រងរបួសធ្ងន់ធ្ងរ។
អ្នកនាំពាក្យទាហានរំដោះជាតិនៃខេត្តប៉ាពួខាងលិច(TPNBP) បានបញ្ជាក់ថា ការវាយប្រហារនេះធ្វើឡើងជាក្រុម។ យ៉ាងណាមិញ យោធា ​និង​ប៉ូលិស​ឥណ្ឌូណេស៊ី​មាន​ជាប់​ពាក់ព័ន្ធ​ជា​ញឹក​ញាប់ក្នុងជម្លោះជាច្រើនជាមួយ​ក្រុម​បំបែក​ខ្លួន​នៅខេត្ត​ប៉ាពួ ដែល​បណ្តាល​ឲ្យ​មាន​មនុស្ស​ស្លាប់​និង​របួស​ទាំង​សងខាង។

គួរំលឹកផងដែរថា​ ទាហានរំដោះជាតិនៃខេត្តប៉ាពួខាងលិច ​បានព្យាមយាមស្វែងរក​រដ្ឋ​ឯករាជ្យ​តាមរយៈ​ការវាយឆ្មក់​តាំង​ពី​ប៉ុន្មាន​ទសវត្សរ៍​មុន ដោយកំណត់គោដៅលើយោធា ប៉ូលិស និងជនស៊ីវិល៕

ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៧ ខែមករា ឆ្នាំ២០២២

LEAVE A REPLY

Please enter your comment!
Please enter your name here