កាលពីថ្ងៃចន្ទនេះ កងកម្លាំងសន្តិសុខអ៊ីរ៉ាក់បានប្រកាសពីការចាប់ខ្លួនអ្នកផលិតគ្រាប់បែករបស់ក្រុមរដ្ឋអ៊ីស្លាមស្ថិតនៅក្នុងខេត្តអាន់បា (Anbar)។
ទីភ្នាក់ងារស៊ើបការណ៍សម្ងាត់អ៊ីរ៉ាក់បាននិយាយនៅក្នុងសេចក្តីថ្លែងការណ៍មួយថា សមាជិកក្រុម រដ្ឋអ៊ីស្លាមដ៏លេចធ្លោម្នាក់ដែលត្រូវបានចាប់ខ្លួននេះគឺជាអ្នកទទួលខុសត្រូវក្នុងការរៀបឧបករណ៍បំផ្ទុះ និងគ្រាប់បែកសម្រាប់ក្រុមជីហាដ។
ទីភ្នាក់ងារនេះបានប្រាប់ឱ្យដឹងទៀតថា សមាជិកក្រុមរដ្ឋអ៊ីស្លាមរូបនេះត្រូវបានចាប់ខ្លួនអំឡុងពេលប្រតិបត្តិការសន្តិសុខ ខណៈរូបគាត់កំពុងប៉ុនប៉ងចូលទៅកាន់ទីក្រុងហ្វាលូចា (Fallujah) ភាគខាងកើតខេត្តអាន់បា។
សេចក្តីថ្លែងការណ៍បានបញ្ជាក់ថា ការចាប់ខ្លួនធ្វើឡើងយោងតាមមាត្រា៤ នៃច្បាប់ប្រឆាំងអំពើភេរវកម្ម។
អ្នកប្រែសម្រួល៖ គល់ សេងហាក់
ប្រភពព័ត៌មានពី basnews ចេញផ្សាយថ្ងៃទី២៩ ខែមីនា ឆ្នាំ២០២២
