ប្រទេសតូហ្គោ៖ រដ្ឋាភិបាលប្រកាសនៅក្នុងសេចក្តីថ្លែងការណ៍មួយមានខ្លឹមសារថា ទាហាន៨នាក់ត្រូវបានសម្លាប់ និង១៣នាក់ផ្សេងទៀតរងរបួសនៅក្នុងការវាយប្រហារដោយក្មាន់កាំភ្លើងមិនស្គាល់អត្តសញ្ញាណកាលពីព្រឹកថ្ងៃពុធនៅភាគខាងជើងប្រទេសតូហ្គោនៅជិតព្រំដែនប្រទេស បួគីណា ហ្វាសូ។
នៅក្នុងសេចក្តីថ្លែងការណ៍បន្ថែមថា នៅព្រឹកថ្ងៃពុធម៉ោងប្រមាណជា៣ទាបភ្លឺ នៅទីតាំងរបស់ក្រុមប្រឆាំងភេរវកម្មក្នុងខេត្តឃេផេនចលស្ថិតនៅភាគខាងជើងប្រទេសតូហ្គោ គឺជាគោលដៅនៃការវាយប្រហារភេរវកម្មដ៏ឃោរឃៅដែលធ្វើឡើងដោយក្រុមមិនស្គាល់អត្តសញ្ញាណ និងប្រដាប់ដោយអាវុធធន់ធ្ងន់។ ការវាយប្រហារនេះបណ្តាលឱ្យសមាជិកកម្លាំងសន្តិសុខ៨នាក់ស្លាប់ និង១៣នាក់ផ្សេងទៀតរងរបួស។ “រដ្ឋាភិបាលថ្កោលទោសយ៉ាងខ្លាំងចំពោះការវាយប្រហារដ៏កំសាក និងព្រៃផ្សៃនេះ ដោយធានាដល់ប្រជាជនទាំងអស់អំពីការប្តេជ្ញាចិត្តរបស់កងកម្លាំងការពារ និងកម្លាំងសន្តិសុខដើម្បីការពារប្រទេស។”
គួររំលឹកផងដែរថា ប្រទេសតូហ្គោមានព្រំប្រទល់ជាប់ភាគខាងជើងនៃប្រទេស បួគីណា ហ្វាសូ ដែលគឺជាប្រទេសអាហ្វ្រិកខាងលិចក្នុងតំបន់សាហេល ដែលធ្លាប់បានប្រឈមមុខជាមួយនឹងការវាយប្រហារភេរវកម្មជាបន្តបន្ទាប់ចាប់តាំងពីឆ្នាំ២០១៥៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១២ ខែឧសភា ឆ្នាំ២០២២
