ប្រទេសប៉ាគីស្ថាន៖ នាយកដ្ឋានប្រឆាំងភេរវកម្ម (CTD) នៃប្រទេសប៉ាគីស្ថានប្រាប់បណ្តាញសង្គមកាលពីថ្ងៃសៅរ៍ថា ក្រុមភេរវករ៦នាក់ត្រូវបានចាប់ខ្លួនក្នុងប្រតិបត្តិការផ្សេងគ្នាជាច្រើននៅក្នុងខេត្តផុនចាប ប្រទេសប៉ាគីស្ថាន។
យោងតាមនាយកដ្ឋានប្រឆាំងភេរវកម្មនៅក្នុងខេត្តផុនចាបបានឲ្យដឹងថា បុគ្គលិក CTD បានធ្វើប្រតិបត្តិការនៅក្នុងទីក្រុងឡាហ័រ ទីក្រុងហ្គូជីរ៉ានវ៉ាឡា និងទីក្រុងរ៉ាវ៉ាលភីនឌី។ បុគ្គលិក CTD និយាយថា ក្រុមភេរវករ២នាក់ត្រូវបានចាប់ខ្លួនពីទីក្រុងនីមួយក្នុងចំណោមទីក្រុងទាំង៣នោះ។
គួរបញ្ជាក់ផងដែរថា អាវុធ គ្រឿងផ្ទុះ និងឧបករណ៍បំផ្ទុះមិនទាន់ផ្ទុះមួយចំនួនតត្រូវបានរឹបអូសបានពីក្រុមភេរវករ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៩ ខែកក្កដា ឆ្នាំ២០២២
