ប្រទេសតួកគី៖មន្ត្រីក្រសួងការពារជាតិតួកគីនិយាយកាលពីថ្ងៃអង្គារថា កម្លាំងតួកគីបានបង្ក្រាបសមាជិកគណបក្សពលករឃឺដ(PKK) ៤នាក់នៅក្បែរព្រំដែនប្រទេសតួកគីនៅភាគខាងជើងប្រទេសអ៊ីរ៉ាក់។
ក្រសួងបានផុសសារលើបណ្តាញសង្គមទ្វីតធ័រមានខ្លឹមសារថា ក្រុមភេរវករត្រូវបានកំណត់គោលដៅនៅក្នុងតំបន់ប្រតិបត្តិការ ខ្លរឡក់។ នៅក្នុងសារមានបន្ថែមខ្លឹមសារថា៖“កម្លាំងប្រដាប់អាវុធតួកគី បន្តប្រយុទ្ធប្រឆាំងនឹងក្រុមភេរវករប្រកបដោយប្រសិទ្ធភាព និងច្បាស់លាស់។”
អាជ្ញាធរតួកគីជាញឹកញាប់បានប្រើពាក្យ “ជ្រុលនិយម” ដោយចង់សំដៅដល់ “ក្រុមភេរវករ” ដែលសុំចុះចាញ់ ត្រូវបានសម្លាប់ និងត្រូវបានចាប់ខ្លួននៅក្នុងប្រតិបត្តិការរបស់ពួកគេ។
គួររំលឹកផងដែរថា ប្រទេសតួកគីបានបើកប្រតិបត្តិការ ខ្លរ ឡក់ ក្នុងខែមេសាដើម្បីវាយប្រហារកំណត់គោលដៅទីតាំងលាក់ខ្លួនរបស់អង្គការភេរវករ PKK នៅភាគខាងជើងនៅតំបន់មេធីណា តំបន់ហ្សាប និងតំបន់អាវ៉ាស៊ីនបេសៀន ប្រទេសអ៊ីរ៉ាក់ នៅក្បែរព្រំដែនប្រទេសអ៊ីរ៉ាក់៕
ប្រែសម្រួល៖ប៉ោក លក្ខិណា
ប្រភពព័ត៌មាន AA ចុះផ្សាយថ្ងៃទី២៦ ខែកក្កដា ឆ្នាំ២០២២
