ប្រទេសស៊ីរី៖យោធាស៊ីរីនិយាយកាលពីថ្ងៃពុធថា កម្លាំងទ័ពស៊ីរីត្រៀមខ្លួនជាស្រេចដើម្បីប្រឈមជាមួយការវាយប្រហារដែលអាចកើតមាន ដោយកម្លាំងតួកគីលើទឹកដីរបស់ពួកគេ ដែលជាការឆ្លើយតបនឹងការវាយប្រហារថ្មីៗដោយកម្លាំងតួកគីលើតំបន់យោធានៅភាគខាងជើងប្រទេសស៊ីរី។
យោធានិយាយនៅក្នុងសេចក្តីថែ្លងការណ៍ ដោយបានលើកឡើងពីការវាយប្រហារនៅតំបន់ជនបទ ភាគឦសាននៃខេត្តហាសាកា និងនៅភាគខាងជើងខេត្តអាឡិបប៉ូ និងខេត្តរ៉ាកា មានខ្លឹមសារថា ការវាយប្រហារបង្កហេតុដោយកម្លាំងតួកគីទៅលើតំបន់យោធា និងតំបន់ដែលគ្រប់គ្រងដោយរដ្ឋាភិបាល នៅភាគខាងជើងប្រទេសស៊ីរីមានការកើនឡើង។
កម្លាំងតួកគីមានបំណងធ្វើប្រតិបត្តិការយោធាថ្មីទៅលើតំបន់គ្រប់គ្រងដោយក្រុមឃឺដនៅភាគខាងជើងប្រទេសស៊ីដើម្បីពង្រីកតំបន់ការពារនៅក្នុងតំបន់។
គួរបញ្ជាក់ផងដែរថា នៅក្នុងកិច្ចប្រជុំកំពូលត្រីភាគីនាពេលថ្មីៗរបស់ប្រទេសរុស្ស៊ីប្រទេសអ៊ីរ៉ង់ និងប្រទេសតួកគី ដោយប្រទេសអ៊ីរ៉ង់ជាម្ចាស់ផ្ទះក្នុងកិច្ចប្រជុំនោះ
បានព្យាយាមបន្ថយភាពតានតឹងតានតឹង ប៉ុន្តែមិនបានសម្រេចនោះទេ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៧ ខែកក្កដា ឆ្នាំ២០២២
