កាលពីថ្ងៃអាទិត្យនេះ មានហេតុការណ៍ផ្ទុះមួយបានកើតមានឡើង បណ្តាលឲ្យកុមារ៣នាក់ស្លាប់ និងម្នាក់ទៀតរងរបួសស្ថិតនៅក្នុងទីក្រុងចាឡាឡា (Jalawla) ខេត្តឌីយ៉ាឡា(Diyala)។
យោងតាមសារព័ត៌មាន BasNews បានប្រាប់ឱ្យដឹងថាឧបទ្ទវហេតុនេះបានកើតឡើងស្ថិតនៅក្នុងភូមិអារ៉ាប់ហ្វារ៉ាច (Arab Faraj) ទីក្រុងចាឡាឡា។ របាយការណ៍បាននិយាយថាក្មេងដែលរងរបួសស្ថិតក្នុងស្ថានភាពធ្ងន់ធ្ងរ។
ទោះបីជាយ៉ាងណាក៏ដោយវាមិនច្បាស់ថាតើ គ្រាប់បែកនេះត្រូវបានដាក់ដោយអង្គការភេរវករនាពេលថ្មីៗនេះ ឬក៏សេសសល់ពីការប៉ះទង្គិចគ្នាដោយយោធាកាលពីលើមុនឬយ៉ាងណា។
អ្នកប្រែសម្រួល៖ គល់ សេងហាក់
ប្រភពព័ត៌មានពី basnews ចេញផ្សាយថ្ងៃទី៣១ ខែកក្កដា ឆ្នាំ២០២២
