ប្រទេសនីហ្សេរីយ៉ា៖ប៉ូលិសក្រុងនិយាយកាលពីថ្ងៃសៅរ៍ថា យ៉ាងហោចណាស់មនុស្ស ០៥នាក់ត្រូវបានសម្លាប់ និង០២នាក់ផ្សេងទៀតបាត់ខ្លួន បន្ទាប់ពីអ្នកវាយប្រហារមិនស្គាល់អត្ត សញ្ញាណម្នាក់បានវាយប្រហារលើក្បួនរថយន្តជំនួញមួយនៅរដ្ឋ កូគី ភាគកណ្តាលប្រទេស
នីហ្សេរីយ៉ា កាលពីយប់ថ្ងៃសុក្រ។
លោក វីលៀម អូយេ អាយ៉ា អ្នកនាំពាក្យប៉ូលិសនិយាយនៅក្នុងសេចក្តីថ្លែងការណ៍មួយថា ជនរងគ្រោះជាជនជាតិឥណ្ឌាម្នាក់ អ្នកបើកបរពីរនាក់ និងប៉ូលិសពីរនាក់យាមក្បួន ដែលជាកម្មសិទ្ធិរបស់ក្រុមហ៊ុនសេរ៉ាមិចអាហ្វ្រិកខាងលិចដែលមានមូលដ្ឋាននៅក្នុងរដ្ឋ កូគី។
លោ អាយ៉ា បន្ថែមថា ជនជាតិឥណ្ឌាពីរនាក់បានបាត់ខ្លួនបន្ទាប់ពីមានការវាយប្រហារ ចំណែកឯប៉ូលិសបានតាមដានអ្នកបាញ់ប្រហារដែលរត់គេចខ្លួន និងជួយសង្គ្រោះជនបរទេសផ្សេងទៀត។
គួរបញ្ជាក់ផងដែរថា ការបាញ់ប្រហារជាច្រើនត្រូវបានរាយការណ៍ជាញឹកញាប់នៅរយៈពេលប៉ុន្មានឆ្នាំកន្លងមកនេះនៅទូទាំងប្រទេសអាហ្វ្រិក ដែលជាលទ្ធផលបណ្តាលឱ្យជនស៊ីវិលជាច្រើននាក់ស្លាប់ និងមានប្រតិបត្តិការសន្តិសុខជាច្រើនផងដែរ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៧ ខែសីហា ឆ្នាំ២០២២
