អង្គភាពប្រឆាំងភេរវកម្មក្នុងតំបន់ឃឺដ បាននិយាយថាគ្រាប់រ៉ូកែតចំនួន២គ្រាប់ដែលបានបាញ់កាលពីថ្ងៃចន្ទនេះគឺសំដៅលើមូលដ្ឋានទ័ពតួកគីដែលស្ថិតនៅក្នុងខេត្តនីនីវេ (Nineveh) ភាគខាងជើងប្រទេសអ៊ីរ៉ាក់។
សេចក្តីថ្លែងការណ៍បាននិយាយថា គ្រាប់រ៉ូកែតមួយគ្រាប់បានធ្លាក់ចូលទៅក្នុងបរិវេណនៃមូលដ្ឋានទ័ព ហើយគ្រាប់ទីពីរធ្លាក់នៅតំបន់បើកចំហក្បែរភូមិហ្គូដា(Gudaw)។
ការវាយប្រហារនេះមិនបណ្តាលឱ្យមានមនុស្សរងរបួស ឬខូចខាតសម្ភារៈអ្វីឡើយ។ មិនទាន់មានក្រុម ឬអង្គការណាមួយចេញមុខអះអាងទទួលខុសត្រូវចំពោះការវាយប្រហារដោយគ្រាប់រ៉ូកែតនាថ្ងៃនេះ ដែលបានបាញ់ចេញពីតំបន់មួយក្នុងសង្កាត់កុកចាលី (Gogjali) ទីក្រុងម៉ូស៊ុល (Mosul) នោះទេ។
អ្នកប្រែសម្រួល៖ គល់ សេងហាក់
ប្រភពព័ត៌មានពី basnews ចេញផ្សាយថ្ងៃទី១៥ ខែសីហា ឆ្នាំ២០២២
