ប្រទេសសូម៉ាលី៖យោងតាមសេចក្តីថ្លែងការណ៍ចេញផ្សាយកាលពីថ្ងៃពុធ មានខ្លឹមសារថា ទាហានសូម៉ាលីសម្លាប់ក្រុមសកម្មប្រយុទ្ធ អាល់ ស្ហារបាប ១៣នាក់ កាលពីថ្ងៃអាទិត្យ ក្នុងការវាយប្រហារតាមអាកាសនៅក្នុងស្រុក ធីដាន នៅតំបន់កណ្តាលប្រទេសសូម៉ាលី។
កម្លាំងទ័ពជាតិសូម៉ាលីនិយាយនៅក្នុងសេចក្តីថ្លែងការណ៍មួយថា ការវាយប្រហារតាមអាកាស ធ្វើឡើងដោយក្រុមបញ្ជាការអាមេរិកអាហ្រ្វិក (Africom) កាលពីថ្ងៃអាទិត្យ។ ការវាយប្រហារនោះកំណត់គោលដៅលើក្រុមភេរវករ ដែលធ្លាប់វាយប្រហារទៅលើកម្លាំងទ័ពជាតិនៅក្នុងតំបន់ដាច់ស្រយ៉ាលក្បែរស្រុក ធីដាន។
គួរបញ្ជាក់ផងដែរថា កម្លាំងទ័ពជាតិសូម៉ាលី និងក្រុមបញ្ជាការអាមេរិកអាហ្រ្វិក ប្តេជ្ញាបន្តការវាយប្រហារប្រឆាំងក្រុមសកម្មប្រយុទ្ធ អាល់ ស្ហារបាប ដើម្បីការពារមិនឱ្យមានជនស៊ីវិលស្លូតត្រង់ស្លាប់៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៧ ខែសីហា ឆ្នាំ២០២២