មនុស្ស ២នាក់ស្លាប់ និង ១០នាក់រងរបួសក្នុងហេតុការណ៍វាយប្រហារដោយកម្លាំងគ្រប់គ្រងដោយតួកគី និងទាហានស៊ីឈ្នួលនៃអង្គភាពភេរវកម្ម

0

ប្រទេសស៊ីរី៖ជនស៊ីវិល ០២នាក់ត្រូវបានសម្លាប់ និង ១០នាក់រងរបួស ក្នុងហេតុការណ៍វាយប្រហារដោយកម្លាំងគ្រប់គ្រងដោយតួកគី និងទាហានស៊ីឈ្នួលនៃអង្គភាពភេរវកម្មរបស់ពួកគេ ទៅលើតំបន់តាំងលំនៅ នៅក្នុងទីក្រុងអាឡិបប៉ូ និងទីក្រុងហាសាកា។

ប្រភពព័ត៌មានក្នុងតំបន់ប្រាប់អ្នកយកព័ត៌មានសាណាថា៖ “ទាហានស៊ីឈ្នួលនៃអង្គភាពភេរវកម្ម​ដែល​គាំទ្រកម្លាំង​តួ​ក​គី​បាន​ទម្លាក់​គ្រាប់បែក​កាលពី​ថ្ងៃ​ពុធ​ជាមួយនឹង​គ្រាប់​ផ្លោងជាច្រើន​គ្រាប់​នៅ​ទីក្រុង ថែល រីហ្វាត ដែលបាញ់ចេញពី​តំបន់ដែល​មានវត្តមាននៃកម្លាំងរបស់ពួកគេ​នៅក្នុងទី​ក្រុង​អាឡិបប៉ូ​ ដោយបានសម្លាប់ជនស៊ីវិល ០១នាក់ និងបង្ករបួសច្រើនជាង ១០នាក់”។

យ៉ាងណាមិញ កម្លាំងស្ថិតក្រោមការគ្របគ្រង និងក្រុមភេរវករនៅតំបន់ជនបទភាគពាយ័ព្យនៃទីក្រុង បានវាយប្រហារកំណត់គោលដៅទៅលើភូមិ ថា អាល់ ឡាបាន ជាប់នឹងស្រុក ថែលថាម័រ បណ្តាលឱ្យខូចខាតផ្ទះសម្បែង និងទ្រព្យសម្បត្តិសាធារណៈជាច្រើន ដោយ​ពុំ​មាន​អ្នក​ស្លាប់​ត្រូវ​បាន​រាយការណ៍នោះទេ៕​

ប្រែសម្រួល៖ប៉ោក លក្ខិណា
ប្រភពព័ត៌មាន SANA ចុះផ្សាយថ្ងៃ២៤ ខែសីហា ឆ្នាំ២០២២

LEAVE A REPLY

Please enter your comment!
Please enter your name here