ប្រទេសស៊ីរី៖អាជ្ញាធរមានសមត្ថកិច្ចបានរឹបអូស អាវុធ និងគ្រាប់រំសេវមួយចំនួន ដែលបន្សល់ទុកដោយអង្គភាពក្រុមភេរវករដែស្ហ (ISIS) នៅក្នុងទីក្រុងដារ៉ា តាមរយៈប្រតិបត្តិការដែលធ្វើឡើងកាលពីប៉ុន្មានថ្ងៃមុន។
ប្រភពសន្តិសុខបានប្រាប់អ្នកយកព័ត៌មាន ក្នុងអំឡុងពេលប្រតិបត្តិការសុន្តិសុខជាក់លាក់ដែលបានកំណត់គោលដៅលើទីតាំងក្រុមភេរវកររដែស្ហ (ISIS) នៅតំបន់ជនបទភាគខាងលិចនៃទីក្រុងដារ៉ាក្នុងរយៈពេលប៉ុន្មានថ្ងៃកន្លងមកថាក្រុមភេរវករលោក អាប៊ុ សាឡេម អាល់ អ៊ីរ៉ាក់ លោកអាប៊ុ អូម៉ា ចាប៉ាប៊ី និងលោក ម៉ូហាម៉ាដ សាយេល ត្រូវបានកម្ចាត់។ សមាជិកក្រុមភេរវករមួយចំនួនទៀតត្រូវបានចាប់ខ្លួនក្នុងអំឡុងពេលប្រតិបត្តិការនោះ បន្ថែមពីលើការរឹបអូសអាវុធ និងគ្រាប់រំសេវ។
ប្រភពបន្ថែមថា ផ្អែកលើចម្លើយសារភាពរបស់ក្រុមភេរវករដែលត្រូវបានចាប់ខ្លួន និងអាវុធមួយចំនួនដែលត្រូវបានរឹបអូសបានទាំងនោះ រួមទាំងអាវុធអាភីជី (RPGs) របស់ពួកគេ កាំភ្លើងផ្លោង អាវុធ និងគ្រាប់រំសេវមួយចំនួន ត្រូវបានគេចែកចាយនៅតាមទីតាំងលាក់ខ្លួនជាច្រើននៅតំបន់ភាគខាងលិចខេត្តដារ៉ា៕
ប្រែសម្រួល៖ប៉ោក លក្ខិណា
ប្រភពព័ត៌មាន SANA ចុះផ្សាយថ្ងៃទី៣០ ខែសីហា ឆ្នាំ២០២២
