ប្រទេសរុស្ស៊ី៖មន្ត្រីក្រសួងការបរទេសរុស្ស៊ីនិយាយថា បុគ្គលិកនៃស្ថានទូតរុស្ស៊ី២នាក់នៅទីក្រុងកាប៊ុលនៃប្រទេសអាហ្វហ្គានីស្ថាន ត្រូវបានសម្លាប់នៅពេលដែលក្រុមសកម្មប្រយុទ្ធមិនស្គាល់អត្តសញ្ញាណបានបំផ្ទុះគ្រឿងផ្ទុះកែច្នៃនៅក្បែរតំបន់បេសកកម្មការទូតកាលពីថ្ងៃច័ន្ទ។
មន្ត្រីក្រសួងនិយាយនៅក្នុងសេចក្តីថ្លែងការណ៍ថា ហេតុការណ៍ផ្ទុះបានកើតឡើងនៅម៉ោងប្រមាណជា ១០និង ៥០នាទី ម៉ោងក្នុងតំបន់ នៅជិតច្រកចូលផ្នែកកុងស៊ុលនៃស្ថានទូតរុស្ស៊ី។
មានជនរងគ្រោះជាច្រើននាក់ស្ថិតនៅក្នុងចំណោមពលរដ្ឋអាហ្វហ្គានីស្ថានផងដែរ ហើយស្ថានទូតមានទំនាក់ទំនងយ៉ាងជិតស្និទ្ធជាមួយសេវាសន្តិសុខអាហ្វហ្គានីស្ថាន ដែលកំពុងធ្វើការស៊ើបអង្កេត។ លោក ដឹមីតទ្រី ផាសកូវ អ្នកនាំពាក្យវិមានក្រឹមឡាំងបាននិយាយថា នេះគឺជាសកម្មភាពភេរវកម្ម ដែលពិតជាមិនអាចទទួលយកបាន៕
ប្រែសម្រួល៖ប៉ោក លក្ខិណា
ប្រភពព៍ត៌មាន Xinhua ចុះផ្សាយថ្ងៃទី០៥ ខែកញ្ញា ឆ្នាំ២០២២
