ប្រទេសនីហ្សេរីយ៉ា៖ប៉ូលិសនីហ្សេរីយ៉ាកាលពីថ្ងៃព្រហស្បតិ៍បាននិយាយថា ពួកគេបានបើកដំណើរការស៊ើបអង្កេត និងតាមប្រមាញ់ខ្មាន់កាំភ្លើងមិនស្គាល់មុខ ដែលបានវាយប្រហារលើបុស្តិ៍ត្រួតពិនិត្យ និងបង្ករបួសដល់ប៉ូលិស ០២នាក់នៅភាគខាងត្បូងរដ្ឋអាប៊ី។
លោក ជេហ្វហ្វ័រ៉ី អុកបូណា អ្នកនាំពាក្យសម្រាប់ប៉ូលិសរដ្ឋអាប៊ី ប្រាប់អ្នកយកព័ត៌មានតាមទូរស័ព្ទថា ខ្មាន់កាំភ្លើងក៏បានរត់គេចទៅឆ្ងាយជាមួយនឹងកាំភ្លើងវែងរបស់ប៉ូលិសដែលរងរបួសបន្ទាប់មានពីការវាយប្រហារកាលពីល្ងាចថ្ងៃពុធ នៅតំបន់ អ៊ូម៉ូហៀរ ណ័ស។
លោក អុកបូណា បន្ថែមថា ក្មាន់កាំភ្លើងនោះ នៅពេលដែលឃើញប៉ូលិសកំពុងបំពេញភារកិច្ច បានបើកការបាញ់ប្រហារការពារមិនឱ្យប៉ូលិស បញ្ឈប់ និងតាមស្វែងរកពួកគេ។ បន្ទាប់មក អ្នកវាយប្រហារបានរត់គេចខ្លួនពីកន្លែងកើតហេតុ។ លោកបន្ថែមថា បច្ចុប្បន្នប៉ូលិសដែលរងរបួសកំពុងសម្រាកព្យាបាលនៅមណ្ឌលសុខភាពប៉ូលិស៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២២ ខែកញ្ញា ឆ្នាំ២០២២
