អង្គការសហប្រជាជាតិ៖ អ្នកនាំពាក្យអង្គការសហប្រជាជាតិម្នាក់បាននិយាយថា កាលពីថ្ងៃអង្គារ គ្រឿងផ្ទុះកែច្នៃមួយបានសម្លាប់សមាជិកបង់ក្លាដែស ០៣នាក់នៃកម្លាំងបេសកកម្មរក្សាសន្តិភាពរបស់អង្គការសហប្រជាជាតិនៅសាធារណរដ្ឋអាហ្វ្រិកកណ្តាល ដែលហៅកាត់ថា (CAR) ។
លោក ស្តេផិន ដូចារិក អ្នកនាំពាក្យរបស់អគ្គលេខាធិការអង្គការសហប្រជាជាតិលោកអនថូរីញូ ហ្កសថ័រ៉េស បាននិយាយថា រថយន្តរបស់ពួកគេបានបើកប៉ះនឹងគ្រឿងផ្ទុះកែច្នៃមួយកាលពីពេលយប់ក្នុងពេលដើរល្បាត ដែលមានចម្ងាយប្រមាណជា ៥គីឡូម៉ែត្រពីមូលដ្ឋានបណ្តោះអាសន្នរបស់បេសកកម្មនៅក្នុងខេត្ត អូហាដិម ផេនដេ។ កងរក្សាសន្តិភាពទី៤ដែលរងរបួសធ្ងន់កំពុងសម្រាកព្យាបាលនៅក្នុងតំបន់ បឿរ។
ហេតុការណ៍ផ្ទុះបានកើតឡើងនៅជិតតំបន់ ឃយ ដែលស្ថិតនៅភាគពាយព្យនៃតំបន់ បឿភាគពាយ័ព្យនៃទីតាំងរបស់កម្លាំងបេសកកម្មរក្សាសន្តិភាពរបស់អង្គការសហប្រជាជាតិ។ លោក ដូចារិក បាននិយាយថា៖ “អគ្គលេខាធិការ សូមចូលរួមរំលែកទុក្ខយ៉ាងក្រៀមក្រំបំផុត ចំពោះក្រុមគ្រួសារនៃកងរក្សាសន្តិភាព ប្រជាជន និងរដ្ឋាភិបាលបង់ក្លាដែស។ ជាការពិតណាស់ យើងសូមជូនពរ កងរក្សាសន្តិភាពដែលរងរបួសឆាប់ជាសះស្បើយទាំងស្រុង។”
គួររំលឹកផងដែរថា នាយកដ្ឋានប្រតិបត្តិការរក្សាសន្តិភាពរបស់អង្គការសហប្រជាជាតិបានរាយការណ៍នៅលើគេហទំព័ររបស់ខ្លួនថាគិតត្រឹមថ្ងៃទី៣១ ខែសីហា កងរក្សាសន្តិភាព
បង់ក្លាដែស៧នាក់ត្រូវបានចាត់តាំងឱ្យទៅបំពេញបេសកកម្ម CAR ដែលគេស្គាល់ថាជា MINUSCA ត្រូវបានសម្លាប់ចាប់តាំងពីក្រុមប្រឹក្សាសន្តិសុខបានបង្កើតបេសកកម្មនេះកាលពីប្រាំបីឆ្នាំមុន។ អាណត្តិបច្ចុប្បន្ននឹងផុតកំណត់នៅខែក្រោយនេះ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៥ ខែតុលា ឆ្នាំ២០២២
