យន្តហោះចម្បាំងតួកគីកាលពីថ្ងៃព្រហស្បតិ៍នេះបានធ្វើការវាយប្រហារតាមអាកាសនៅទីក្រុងស៊ីនចា (Sinjar) សំដៅលើទីស្នាក់ការកណ្តាលរបស់ក្រុមប្រដាប់អាវុធដែលមានទំនាក់ទំនងជាមួយគណបក្សពលករឃឺដ (PKK) បណ្តាលឱ្យមានអ្នកស្លាប់ និងរបួស។
អង្គភាពប្រឆាំងអំពើភេរវកម្មក្នុងតំបន់ឃឺដ បានបញ្ជាក់ក្នុងរបាយការណ៍តាមការបង្ហោះ Facebook ដោយបាននិយាយថា ការវាយប្រហារតាមអាកាសបានវាយប្រហារមកលើទីស្នាក់ការកណ្តាលរបស់ទីក្រុងស៊ីនចា ។
អង្គភាពប្រឆាំងភេរវកម្មបានចង្អុលបង្ហាញថា ការវាយឆ្មក់តាមអាកាសនេះបណ្តាលឱ្យមានអ្នកស្លាប់ និងរបួស ប៉ុន្តែមិនបានបញ្ជាក់លម្អិតថាតើមានមនុស្សប៉ុន្មាននាក់បានស្លាប់ ឬរងរបួសពិតប្រាកដនោះទេ។
គួរបញ្ជាក់ថាតួកគីតែងតែកំណត់គោលដៅវាយប្រហារជាទៀងទាត់លើសមាជិកគណបក្សពលករឃឺដ និងក្រុមដែលជាប់ពាក់ព័ន្ធនឹងគណបក្សនេះនៅតាមតំបន់ព្រំដែនឃឺដ។
អ្នកប្រែសម្រួល៖ គល់ សេងហាក់
ប្រភពព័ត៌មានពី basnews ចេញផ្សាយថ្ងៃទី៦ ខែតុលា ឆ្នាំ២០២២
