កងកម្លាំងឃឺដបើកការល្បាតសន្តិសុខនៅទីក្រុងរ៉ាកា

0

ក្រុមឃ្លាំមើលសិទ្ធិមនុស្សស៊ីរី (SOHR) ដែលមានមូលដ្ឋាននៅចក្រភពអង់គ្លេសបានរាយការណ៍កាលពីថ្ងៃអាទិត្យនេះថាកងកម្លាំងសន្តិសុខប្រទេសស៊ីរីខាងជើង និងខាងកើត (ISF) ដែលគេស្គាល់ថាជាកងកម្លាំងអាសាអ៊ីស (Asayish) បានបិទទ្វារពន្ធនាគារកណ្តាលក្នុងទីក្រុងរ៉ាកា (Raqqa) ដែលឃុំឃាំងក្រុមរដ្ឋអ៊ីស្លាម(IS)។

ទោះបីជាមិនមានរបាយការណ៍ពីការរត់គេចពីពន្ធនាគារ ឬកុប្បកម្មក្នុងពន្ធនាគារក៏ដោយក៏មកទល់ពេលនេះកងកម្លាំងសន្តិសុខប្រទេសស៊ីរីនៅតែរក្សាការប្រុងប្រយ័ត្នរយៈពេលបីថ្ងៃជាប់ៗគ្នា ដើម្បីធ្វើការល្បាតសន្តិសុខនៅក្នុងតំបន់នេះ និងមានវិធានការសន្តិសុខយ៉ាងតឹងរ៉ឹងនៅ​ជុំវិញ​ពន្ធនាគារ ហើយ​ផ្លូវ​ថ្នល់​នៅ​តែ​បិទ​ក្នុង​រយៈពេល​បី​ថ្ងៃ​នេះ។ វិធានការប្រុងប្រយ័ត្នទាំងនេះកើតឡើងចំពេលមានការកើនឡើងសកម្មភាពរបស់រដ្ឋអ៊ីស្លាមដែលស្ថិតនៅក្នុងតំបន់។

គួររំលឹកថាកាលពីខែតុលានេះកងកម្លាំងប្រជាធិបតេយ្យស៊ីរី (SDF) បានធ្វើប្រតិបត្តិការមួយ និងបានចាប់ខ្លួនពួករដ្ឋអ៊ីស្លាមដែលទទួលខុសត្រូវក្នុងការសម្របសម្រួលចលនានៃក្រុមតូចៗដែលនៅសេសសល់ និងផ្គត់ផ្គង់ជំនួយផ្នែកហិរញ្ញវត្ថុ និងភស្តុភារផ្សេងៗ។

អ្នកប្រែសម្រួល៖ គល់ សេងហាក់
ប្រភពព័ត៌មានពី basnews ចេញផ្សាយថ្ងៃទី២៤ ខែតុលា ឆ្នាំ២០២២

LEAVE A REPLY

Please enter your comment!
Please enter your name here