ការបាតុកម្មប្រឆាំងនឹងកងជីវពល QSD កើតឡើងនៅទីក្រុងឌៀរអេហ្ស័រ

0

ប្រទេសស៊ីរី៖នៅក្នុងការតវ៉ាប្រឆាំងនឹងការអនុវត្ត និងសកម្មភាពឧក្រិដ្ឋកម្មរបស់កងជីវពល QSD គាំទ្រដោយកងកម្លាំងកាន់កាប់របស់សហរដ្ឋអាមេរិក ប្រជាជននៅតាមភូមិមួយចំនួន និងតាមទីប្រជុំជន នៅភាគខាងលិច និងខាងកើតទីក្រុង ឌៀរអេហ្ស័រ បានធ្វើបាតុកម្មជាដំណាក់កាល។

ក្រុមបាតុករ​បានទាមទារ​​បណ្ដេញ​កងជីវពល ដែលនៅតែប្រព្រឹត្តិអំពើឃោរឃៅប្រឆាំងនឹងប្រជាជន រឹបអូសទ្រព្យសម្បត្តិនិងភគផល និងចាប់​ពង្រត់​កូន​ប្រុស​រាប់​រយ​នាក់​ដើម្បី​បង្ខំឱ្យ​ពួក​គេ​ឱ្យ​ប្រយុទ្ធ​គ្នា។

ប្រភពព័ត៌មានជនស៊ីវិលប្រាប់អ្នកយកព័ត៌មាននៅទីក្រុង ឌៀរ អេហ្ស័រ ថា៖ “ការបាតុកម្មប្រឆាំងនឹងកងជីវពលQSDកើតឡើងកាលពីថ្ងៃចន្ទ នៅក្នុងទីប្រជុំជន និងភូមិមួយចំនួនដូចជា ភូមិ ហាវ៉ាច ធីយ៉ាប ភូមិ ហ្សាហ្ស៊ីរ៉ា ភូមិ អ៊ុំ ម៉ាដហ្វា នៅតំបន់ជនបទភាគខាងលិចទីក្រុង ឌៀរ អេហ្ស័រ ដែលក្រោយ​មកបាន​ពង្រីក​ទៅដល់​ភូមិ​នៅតំបន់​ជនបទ​ភាគ​ខាង​កើត។ ”

ប្រភពព័ត៌មានបានបន្ថែមថា ​ក្រុមបាតុករ​បានបិទ​ផ្លូវ​ដោយ​ដុត​កង់ឡាន និងដុំ​ថ្ម ហើយថែមទាំង​បាន​ស្រែក​ពាក្យ​ស្លោក​អំពាវនាវ​ឲ្យ​មាន​ការ​ដោះលែង​ជន​ស៊ីវិលជាច្រើននាក់ឱ្យចេញ​ពី​ពន្ធនាគារ​របស់​កងជីវពល ដែលត្រូវបានចាប់ឃុំខ្លួនក្នុងគោល​បំណង​បង្ក្រាប និង​បំបែក​ក្រុម​បាតុករ៕

ប្រែសម្រួល៖ប៉ោក លក្ខិណា

ប្រភពព័ត៌មាន SANA ចុះផ្សាយថ្ងៃទី២៤ ខែតុលា ឆ្នាំ២០២២

LEAVE A REPLY

Please enter your comment!
Please enter your name here