ប្រទេសស៊ីរី៖កម្លាំងគ្រប់គ្រងដោយតួកគីបាញ់ប្រហារសារជាថ្មីកំណត់គោលដៅលើទីក្រុងចំនួន២ក្នុងទីក្រុង អាប៊ុ រ៉ាស៊ីន នៅទីក្រុងហាសាកា ភាគពាយ័ព្យនៃប្រទេសស៊ីរី។
ប្រភពព័ត៌មានក្នុងតំបន់ប្រាប់អ្នកយកព័ត៌មានសាណាថា កម្លាំងគ្រប់គ្រងដោយតួកគី និងក្រុមទាហានស៊ីឈ្នួលរបស់ពួកគេ ដែលបានពង្រាយកម្លាំងនៅក្នុងទីក្រុង អេនីក អាល ហាវ៉ា និងទីក្រុងអាល់ ដាវីដយ៉ាស់ បានទម្លាក់គ្រាប់បែក និងគ្រាប់មីស៊ីល ដែលបាញ់ដោយកាំភ្លើងវែង ទៅលើភូមិ អាល់ អាប៊ីយ៉ាត និងភូមិ អ៊ុំ ហាម៉ាឡា នៅក្នុងទីក្រុង អាប៊ុ រ៉ាស៊ីន ក្នុងអំឡុងពេលប៉ុន្មានម៉ោងមុន។
ប្រភពបន្ថែមថា ការទម្លាក់គ្រាប់បែកនោះបណ្តាលឱ្យមានការខូចខាតផ្ទះ និងទ្រព្យសម្បត្តិមួយចំនួនរបស់ជនស៊ីវិល។ លើសពីនេះ ការវាយប្រហារដដែលៗបានកើតឡើងជាប្រចាំនៅក្នុងតំបន់នោះ៕
ប្រែសម្រួល៖ប៉ោក លក្ខិណា
ប្រភពព័ត៌មានសាណាចុះផ្សាយថ្ងៃទី១៥ ខែវិច្ឆិកា ឆ្នាំ២០២២
