ជនស៊ីវិល ២នាក់រងរបួសក្នុងការវាយប្រហាររបស់ក្រុមភេរវករទៅលើភូមិចួរីន ខេត្តហាម៉ា

0

ប្រទេសស៊ីរី៖ស្ត្រីម្នាក់ និងកូនរបស់នាង រងរបួសដោយសារការវាយប្រហារបាញ់គ្រាប់រ៉ូក្កែត របស់ក្រុមភេរវករទៅលើភូមិ ចួរីន ភាគពាយ័ព្យនៃខេត្តហាម៉ា។

មេបញ្ជាការប៉ូលិសនៅខេត្តហាម៉ាប្រាប់អ្នកសារព័ត៌មានសាណាថា​៖ “កាលពីថ្ងៃអាទិត្យ ក្រុមភេរវករបានបាញ់គ្រាប់រ៉ូក្កែតមួយចំនួនវាយប្រហារលើភូមិ ចួរីន នៅ​ភាគពាយ័ព្យនៃខេត្តហាម៉ា បណ្តាលឱ្យស្ត្រីម្នាក់ និងកូនរបស់នាងរងរបួស​ ហើយពួកគេត្រូវបានបញ្ជូនបន្ទាន់ទៅមន្ទីពេទ្យជាតិ អាស ស៊ីកឃេឡាប៉ីយ៉ាស់”។
ប្រភពដដែលបន្ថែមឱ្យដឹងថា ការ​វាយ​ប្រហារ​នោះ​បាន​ធ្វើ​ឱ្យ​ខូច​ខាតដល់​ ​ផ្ទះ​អ្នក​ស្រុក និង​ទ្រព្យ​សម្បត្តិ​ឯកជនជាច្រើន​របស់​ពួក​គេ។

គួរបញ្ជាក់ផងដែរថា ក្រុមភេរវករ ចាបាត អាល់នូស្រា ដែលបានពង្រាយកម្លាំងនៅភាគខាងត្បូងខេត្តអ៊ីដលីប បានបន្ត​ការ​វាយប្រហារ​របស់​ពួក​គេ​លើ​ភូមិ​សុវត្ថិភាព​នៅ​តំបន់​ជុំវិញនោះ៕

ប្រែសម្រួល៖ប៉ោក លក្ខិណា
ប្រភពព័ត៌មាន SANA ចុះផ្សាយថ្ងៃទី២០ ខែវិច្ឆិកា ឆ្នាំ២០២២

LEAVE A REPLY

Please enter your comment!
Please enter your name here