អង្គការសហប្រជាជាតិ៖លោក អេនថូនីអូ ហ្កាត់ថើរ៉េស អគ្គលេខាធិការអង្គការសហប្រជាជាតិបាននិយាយកាលពីថ្ងៃពុធថា ឧបករណ៍ និងយុទ្ធសាស្ត្រដែលផ្អែកលើមូលដ្ឋានទិន្នន័យ អាចគាំទ្រដល់កិច្ចប្រឹងប្រែងប្រឆាំងអំពើភេរវកម្ម និងជាបេះដូងនៃការកសាងសន្តិភាព និងសន្តិសុខ។
លោកបានថ្លែងនៅក្នុងសុន្ទរកថាទៅកាន់កិច្ចប្រជុំនៃការសម្របសម្រួលដល់ការប្រឆាំងអំពើភេរវកម្មសកលរបស់អង្គការសហប្រជាជាតិមានខ្លឹមសារថា៖“មូលដ្ឋានទិន្នន័យជំរុញគ្រប់ទិដ្ឋភាពនៃជីវិតសេដ្ឋកិច្ច អាជីវកម្ម និងសង្គម។ គួបផ្សំជាមួយនឹងប្រព័ន្ធអ៊ីនធឺរណេតដែលគ្មានច្បាប់ មូលដ្ឋានទិន្នន័យទាំងនោះថែមទាំងបង្កើនឱ្យមានអំពើភេរវកម្ម និងឧក្រិដ្ឋកម្មដែលមានទំនាក់ទំនងគ្នាកាន់តែខ្លាំងឡើង”។
ប្រធានអង្គការសហប្រជាជាតិបាននិយាយថា៖“ការឆ្លើយតបដោយការប្រឆាំងភេរវកម្មរបស់យើងត្រូវតែបន្តទៅមុខមួយជំហានទៀត។ ប៉ុន្តែនៅពេលនិយាយអំពីការប្រមូល ការវិភាគ និងការប្រើប្រាស់មូលដ្ឋានទិន្នន័យជាយុទ្ធសាស្ត្រ យើងនៅតែមានជំហានជាច្រើនទៀតនៅពីក្រោយ”។
លោក ហ្កាត់ថើរ៉េស បាននិយាយថា ការគម្រាមកំហែងភេរវកម្មដែលវិវត្តន៍យ៉ាងឆាប់រហ័ស ទាមទារឱ្យមានការឆ្លើយតបយ៉ាងឆាប់រហ័ស និងសម្របខ្លួនដោយផ្អែកលើមូលដ្ឋានទិន្នន័យ និងភស្តុតាងជាច្រើន ពីព្រោះថា អំពើភេរវកម្មបានប្រើហិង្សាដើម្បីទាមទារចែករំលែកតម្លៃរួម ស្ថាប័ន បទដ្ឋាន និងស្តង់ដារនានាដែលមានដូចជា សិទ្ធិមនុស្ស នីតិរដ្ឋ ការអភិវឌ្ឍន៍ស្មើភាព និងនិរន្តរភាព និងសន្តិភាព និងសន្តិសុខ ដែលប្រទេសទាំងអស់ និងតំបន់នានាក្នុងពិភពលោកសមនឹងទទួលបាន។ លោកបាននិយាយថា៖ “យើងត្រូវប្រើឧបករណ៍ និងយុទ្ធសាស្ត្រដែលជំរុញដោយមូលដ្ឋានទិន្នន័យជាបេះដូងនៃវិធីសាស្រ្តរបស់យើងក្នុងការកសាងសន្តិភាព និងសន្តិសុខ រួមទាំងកិច្ចខិតខំប្រឹងប្រែងប្រឆាំងនឹងអំពើភេរវកម្ម”។
លោក ហ្កាត់ថើរ៉េស បាននិយាយថា អ្នកដែលប្រយុទ្ធប្រឆាំងនឹងអំពើភេរវកម្មត្រូវការប្រើប្រាស់មូលដ្ឋានទិន្នន័យ និងភស្តុតាងនានា ដើម្បីវាយតម្លៃប្រសិទ្ធភាពនៃសកម្មភាព និងគោលនយោបាយទប់ស្កាត់អំពើភេរវកម្ម និងធានាថាសិទ្ធិមនុស្សត្រូវបានការពារ។ លោកបានបន្ថែមថា៖“ការប្រយុទ្ធប្រឆាំងនឹងអំពើភេរវកម្មនឹងមិនត្រូវបានប្រើជាលេសសម្រាប់ការជាន់ឈ្លីទៅលើសិទ្ធិមនុស្សឡើយ។ នៅពេលដែលសិទ្ធិមនុស្សត្រូវបានការពារ តាមពិតនោះមានន័យថា យើងកំពុងដោះស្រាយនូវឬសគល់នៃបញ្ហាជាច្រើនរបស់អំពើភេរវកម្ម។ ”
លោកបានបន្តថា អំពើភេរវកម្មកកើតឡើងនៅក្នុងស្ថានភាពភាពខ្វះចន្លោះនៃបញ្ហាសន្តិសុខ ស្ថាប័ននយោបាយ និងស្ថាប័នស៊ីវិល បញ្ហាឱកាស និងក្តីសង្ឃឹម និងចន្លោះប្រហោងនៃការគោរពសិទ្ធិមនុស្ស សមភាព និងសេចក្តីថ្លៃថ្នូរ ជាពិសេសសម្រាប់ជនជាតិភាគតិច ស្ត្រី និងកុមារី។
កន្លែងទំនេរនៃការគោរពសិទ្ធិមនុស្ស សមភាព និងសេចក្តីថ្លៃថ្នូរ ជាពិសេសសម្រាប់ជនជាតិភាគតិច និងស្ត្រី និងកុមារី។ លោក ហ្កាត់ថើរ៉េស បាននិយាយថា៖“គ្រប់ជំហាននៃដំណើរ យើងត្រូវការភាពរួបរួមគ្នា និងក្រុមការងាររបស់ខ្លួន ដើម្បីបន្តការកសាងទំនាក់ទំនងជិតស្និទ្ធជាមួយរដ្ឋសមាជិកអង្គការសហប្រជាជាតិ និងដៃគូផ្សេងទៀតដើម្បីប្រមូល វិភាគ និងពង្រាយមូលដ្ឋានទិន្នន័យសម្រាប់ការយល់ដឹង ផលប៉ះពាល់ និងសុចរិតភាព។”
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃ២៦ ខែមករា ឆ្នាំ២០២៣