ប្រភពពត៌មានពី RT ចេញផ្សាយថ្ងៃទី ១៨ ខែ តុលា ឆ្នាំ២០១៧
ប៉ូលិសប្រឆាំងភេរវកម្មរបស់បារាំងនៅទីក្រុងប៉ារីស និងម៉ាកសីកាលពីថ្ងៃអង្គារនិយាយថាមនុស្សចំនួន១០នាក់ត្រូវឃាត់ខ្លួនដែលមានទំនាក់ទំនងនៅក្នុងការវាយប្រហារជាបន្តបន្ទាប់។ គោលដៅរបស់ពួកគេដូចជាវិហារអ្នកចំណាកស្រុក និងអតីតបេក្ខជនប្រធានាធិបតី។ ស្ថានីយទូរទស្សន៍បារាំង M6 រាយការណ៍ថាការចាប់ខ្លួននេះធ្វើឡើងនៅក្នុងតំបន់ Seine-Saint-Denis ភាគខាងជើងទីក្រុងប៉ារីស និងភាគខាងត្បូងទីក្រុងម៉ាកសីប្រទេសបារាំងកាលពីព្រឹកថ្ងៃអង្គារនិងពេលរសៀល។ ជនសង្ស័យរួមមានបុរសវ័យក្មេង៩នាក់ក្នុងនោះអនីតិជន២នាក់ និងស្ត្រីម្នាក់ដែលមានអាយុពី១៧ទៅ២៥ឆ្នាំ។ ភាពមិនច្បាស់ថាតើជនសង្ស័យរៀបរាប់ផែនការសម្រាប់ការវាយប្រហារភ្លាមៗលើមនុស្សឬស្ថាប័នសាសនា។ រ៉យទ័រនិយាយថាមន្រ្តីតុលាការមានសេចក្តីព្រាង “មិនច្បាស់”ដែលពាក់ព័ន្ធនឹងការវាយប្រហារទៅលើកន្លែងគោរពបូជាជាមួយអ្នកនយោបាយឬអ្នកចំណាកស្រុក។ យោងតាម M6 ក្នុងចំណោមគោលដៅដែលត្រូវជ្រើសរើសដោយក្រុមនេះគឺជា “សាច់ញាតិជិតស្និទ្ធ” របស់ប្រធានាធិបតីបារាំង Emmanuel Macron និងអតីតបេក្ខជនប្រធានាធិបតី។ ម្នាក់គេដាក់ឈ្មោះថា Le Parisien ជាអ្នកនាំពាក្យរដ្ឋាភិបាលគឺលោក Christophe Castaner និងម្នាក់ទៀតគឺលោក Jean-Luc Melenchon ដែលជាបេក្ខជនប្រធានាធិតីឆ្វេងនិយមក្នុងការបោះឆ្នោតថ្មីបំផុត។ Melenchon ត្រូវគេរាយការណ៍ស្ថិតក្នុងបញ្ជីដោយក្រុមអ្នកវាយប្រហារបន្ទាប់ពីគាត់បរាជ័យក្នុងការបោះឆ្នោតដោយទទួលបានតែ១៩%នៅក្នុងជុំទី១៕
