ប្រភពពត៌មានពី RT ចេញផ្សាយថ្ងៃទី ២៩ ខែ តុលា ឆ្នាំ២០១៧
ក្រសួងការបរទេសស៊ីរីចោទប្រកាន់ក្រុមចម្រុះដែលដឹកនាំដោយអាមេរិកថាបំផ្លាញហេដ្ឋារចនាសម្ព័ន្ធជនស៊ីវិលខ្ទេចខ្ទី និងកាន់កាប់ទីក្រុង Raqqa ពីពួកក្រុម ISIS ដែលជា “សម្ព័ន្ធភាពមិនស្របច្បាប់” ហើយបំភាន់សហគមន៍អន្តរជាតិអំពីគោលបំណងពិតរបស់ខ្លួន។ ក្រសួងប្រាប់ទីភ្នាក់ងារព័ត៌មាន SANAថាប្រទេសស៊ីរីចាត់ទុកការអះអាងរបស់សហរដ្ឋអាមេរិក និងសម្ព័ន្ធមិត្តរបស់ខ្លួនអំពីការរំដោះទីក្រុង Raqqa ពីក្រុម ISIS ជាការកុហកដើម្បីបង្វែរគំនិតអន្តរជាតិពីឧក្រិដ្ឋកម្មដែលប្រព្រឹត្តដោយសម្ព័ន្ធមិត្តនៅក្រុង Raqqa។ ថ្ងៃទី២០ខែតុលាបន្ទាប់ពីការប្រយុទ្ធគ្នាយ៉ាងធ្ងន់ធ្ងរអស់រយៈពេល៤ខែ កងកម្លាំងប្រដាប់អាវុធស៊ីរីគាំទ្រដោយអាមេរិក (SDF) បង្កើតការត្រួតត្រាលើក្រុង Raqqa ដែលគ្រប់គ្រងក្រុមភេរវករអ៊ីស្លាម ISIS/ISIL។ សហរដ្ឋអាមេរិកនិយាយថាទាហានដែលគាំទ្រដោយអាមេរិកចំនួន១,១០០នាក់ត្រូវសម្លាប់ និង៣,៩០០នាក់រងរបួសនៅក្នុងសមរភូមិសម្រាប់ទីក្រុងនេះ។ ការរំដោះក្រុង Raqqa ពិតជាមានតម្លៃយ៉ាងធំធេងសម្រាប់ជនស៊ីវិលដែលយ៉ាងហោចណាស់មនុស្សចំនួន១,៨០០នាក់ជាជនរងគ្រោះនេះជាការប៉ាន់ប្រមាណដោយ Airwars។ ការបំផ្លិចបំផ្លាញនេះមនុស្សរាប់ពាន់នាក់គ្មានទីជំរក និងត្រូវផ្លាស់ទៅតំបន់ជិតខាង។ មនុស្សប្រមាណជា២០០,០០០នាក់ត្រូវប៉ាន់ស្មានថានៅតែរស់នៅក្នុងទីក្រុងនៅពេលឡោមព័ទ្ធចាប់ផ្តើមនៅក្នុងខែមិថុនា។ អ្នកសារព័ត៌មានអន្តរជាតិថាអាគារលំនៅដ្ឋានភាគច្រើនក្លាយជាទីក្រុងខ្មោច និងឋាននរកនៅលើផែនដីមិនអាចរស់នៅបានក្នុងអំឡុងពេលវាយប្រហារប្រយុទ្ធគ្នាតាមអាកាស និងកាំភ្លើងធំ៕
