ប្រភពពត៌មានពី RT ចេញផ្សាយថ្ងៃទី ០៦ ខែ វិច្ឆិកា ឆ្នាំ២០១៧
ប្រទេសអារ៉ាប៊ីសាអ៊ូឌីតចោទប្រកាន់ប្រទេសអ៊ីរ៉ង់ចំពោះមីស៊ីលបាញ់ផ្លោងពីយេម៉ែនសំដៅទៅព្រលានយន្តហោះ Riyadh កាលពីថ្ងៃសៅរ៍ដោយព្រមានថាវាអាចជាទង្វើបង្កសង្គ្រាម។ នៅក្នុងសេចក្តីថ្លែងការណ៍មួយនៅថ្ងៃចន្ទអារ៉ាប៊ីសាអូឌីតស្តីបន្ទោសចំពោះការវាយប្រហារដោយត្រង់ទៅអ៊ីរ៉ង់ថាតើវាអាចកើតឡើងទេប្រសិនបើអ៊ីរ៉ង់មិនគាំទ្រពួកឧទ្ទាម Houthi នៅយេម៉ែន។ សេចក្តីថ្លែងការណ៍ចេញផ្សាយដោយទីភ្នាក់ងារសារព័ត៌មានអារ៉ាប់និយាយថាតួនាទីរបស់អ៊ីរ៉ង់ និងការបញ្ជាដោយផ្ទាល់របស់ខ្លួននៅក្នុងរឿងនេះគឺជាការប្រព្រឹត្ដយ៉ាងច្បាស់លាស់មួយដែលសំដៅទៅលើប្រទេសជិតខាង និងគំរាមកំហែងដល់សន្តិភាពនិងសន្តិសុខនៅក្នុងតំបន់ និងនៅទូទាំងពិភពលោក។ ហេតុដូច្នេះមេបញ្ជាការរបស់ក្រុមចម្រុះចាត់ទុកនេះជាទង្វើមួយនៃការឈ្លានពានដោយចេតនាពីអ៊ីរ៉ង់ហើយអាចកើតឡើងជាសង្គ្រាមប្រឆាំងនឹងព្រះរាជាណាចក្រអារ៉ាប៊ីសាអ៊ូឌីត។ អារ៉ាប៊ីសាអ៊ូឌីតនិយាយថា “ខ្លួនរក្សាសិទ្ធិក្នុងការឆ្លើយតបទៅនឹងប្រទេសអ៊ីរ៉ង់តាមពេលវេលាសមស្របណាមួយ”។ សម្ព័ន្ធមិត្តយោធាដឹកនាំដោយអារ៉ាប៊ីសាអ៊ូឌីតប្រកាសថាខ្លួននឹងបិទច្រកព្រំដែន និងអាកាសយានដ្ឋាននៅយេម៉ែនដើម្បីឆ្លើយតបនឹងការបាញ់មីស៊ីល។ ក្រុមចម្រុះនេះកំពុងប្រយុទ្ធប្រឆាំងនឹងពួកឧទ្ទាម Shiite Houthi ដែលបានកាន់កាប់ទីក្រុង Sanaa របស់យេម៉ែននៅដើមឆ្នាំ២០១៥។ ពួកឧទ្ទាមនេះជាអ្នកនៅពីក្រោយខ្នងប្រធានាធិបតីយេម៉ែនលោក Abdrabbuh Mansur Hadi។ កាលពីថ្ងៃសៅរ៍មីស៊ីលបាញ់ផ្លោងចេញពីដែនដីយេម៉ែនសំដៅទៅលើព្រលានយន្តហោះស្តេចឃីលីដនៅជិតរដ្ឋធានីអារ៉ាប់ប៊ីសាអ៊ូឌីត។ យោងតាមអាជ្ញាធរអាកាសចរណ៍ស៊ីវិលរបស់ប្រទេសអារ៉ាប៊ីសាអ៊ូឌីតបានឱ្យដឹងថាវាធ្លាក់នៅលើទីលានអាកាសយានដ្ឋានដែលបណ្តាលឱ្យមានការខូចខាតតិចតួច។ គ្មានការហោះហើរណាមួយត្រូវរំខានដោយការវាយប្រហារនោះទេ។ ពួកឧទ្ទាម Houthi ទទួលខុសត្រូវចំពោះការវាយប្រហារនោះដោយនិយាយថាមីស៊ីលផ្លោង Volcano-1 ផលិតក្នុងស្រុក។ ទោះជាយ៉ាងណាប្រទេសអារ៉ាប៊ីសាអ៊ូឌីតចោទប្រកាន់អ៊ីរ៉ង់ផ្គត់ផ្គង់អាវុធទៅ Houthis ដែលធ្វើឱ្យមានការវាយប្រហារនេះ។ ប្រទេសអ៊ីរ៉ង់បដិសេធមិននៅពីក្រោយខ្នងរឿងនេះ៕
