ប្រភពព័ត៌មានពី BBC ចេញផ្សាយថ្ងៃទី ០៥ ខែ វិច្ឆិកា ឆ្នាំ២០១៧
លោកប្រធានាធិបតីអាមេរិក ដូណាល់ ត្រាំ និយាយថាជប៉ុនអាចបាញ់មីស៊ីល របស់កូរ៉េខាងជើងនៅលើមេឃជាមួយនឹងឧបករណ៍យោធាដែលបានទិញពីសហរដ្ឋអាមេរិក។ ទន្ទឹមនឹងនោះដែរលោកនាយករដ្ឋមន្រ្តីជប៉ុន ស៊ីនហ្សូអាបេ បាននិយាយថាប្រទេសរបស់លោកអាចកាត់បន្ថយមីស៊ីលប្រសិនបើចាំបាច់។ ខណៈដែលមេដឹកនាំទាំងពីរបាននិយាយទៅកាន់អ្នកសារព័ត៌មាននៅពេលបញ្ចប់ទស្សនកិច្ចជាលើកដំបូងរបស់លោក ត្រាំ ទៅកាន់ប្រទេសជប៉ុន។ គួររំលឹកផងដែរថាប្រទេសកូរ៉េខាងជើងបាញ់មីស៊ីលផ្លោងរយៈចម្ងាយឆ្ងាយទៅលើទឹកដីរបស់ជប៉ុន២ដងក្នុងរយៈពេលប៉ុន្មានខែថ្មីៗនេះ។ នៅក្នុងថ្ងៃចន្ទនេះខណៈពេលឆ្លើយសំណួរនៅសន្និសីទកាសែតលោក ត្រាំ និយាយថាលោកស៊ីនហ្សូអាបេនឹងទិញសម្ភារៈយោធាដ៏ច្រើនសន្ធឹកសន្ធាប់ពីសហរដ្ឋអាមេរិក។ លោក ស៊ីនហ្សូអាបេ បាននិយាយថា អាចបាញ់មីស៊ីលនៅលើមេឃនៅពេលគាត់បានបញ្ចប់ការទិញ ដែលលោក ត្រាំ និយាយបន្ថែមថានឹងផ្តល់ការងារដល់ជនជាតិអាមេរិកក៏ដូចជាសុវត្ថិភាពសម្រាប់ជប៉ុនផងដែរ។ លោក ស៊ីនហ្សូអាបេ បានបន្តថាប្រទេសជប៉ុនត្រូវតែបង្កើនគុណភាព និងបរិមាណដើម្បីបង្កើនសមត្ថភាពការពាររបស់ខ្លួនដោយសារតែស្ថានភាពកូរ៉េខាងជើងកំពុងឡើងកំដៅ។ លោកបានសង្កត់ធ្ងន់ថាការការពារមីស៊ីលត្រូវបានផ្អែកនៅលើកិច្ចសហប្រតិបត្តិការច្បាប់រវាងជប៉ុន និងសហរដ្ឋអាមេរិកសម្រាប់ការបាញ់មីស៊ីលប្រសិនបើចាំបាច់។ មិនទាន់មានការបញ្ជាក់ច្បាស់លាស់នៅឡើយទេថាកិច្ចព្រមព្រៀងយោធានេះ នឹងចុះហត្ថលេខានៅក្នុងដំណើរទស្សនកិច្ចរបស់លោក ត្រាំ នៅពេលនោះទេ។ គេបានឃើញថានៅក្នុងខែកញ្ញា លោក Trump បានបង្ហោះនៅក្នុងបណ្តាញសង្គម twitter ថាគាត់នឹងអនុញ្ញាតឱ្យលក់ឧបករណ៍យោធាលំដាប់ខ្ពស់ដល់ប្រទេសជប៉ុន និងកូរ៉េខាងត្បូងដែលជាសម្ព័ន្ធមិត្តយោធាដ៏ជិតស្និទ្ធបំផុតដែលរក្សាមូលដ្ឋានទ័ពជាច្រើននៅក្នុងប្រទេសជប៉ុន៕
