ប្រភពពត៌មានពី RT ចេញផ្សាយថ្ងៃទី ០៨ ខែ វិច្ឆិកា ឆ្នាំ២០១៧
ប្រធានាធិបតីអាសាដនិយាយថាក្រុងដាម៉ាស់បន្តប្រយុទ្ធប្រឆាំងភេរវកររហូតទាល់តែគ្រប់គ្រងទឹកដីពេញលេញ និងបង្កើតសន្ដិសុខឡើងវិញ។ ទីប្រឹក្សាកំពូលរបស់លោក អាសាដ និយាយថាទាហានបរទេសទាំងអស់ដែលមានវត្តមាននៅក្នុងប្រទេសស៊ីរីដោយគ្មានការអនុញ្ញាតជា “ការឈ្លានពានខុសច្បាប់”។ លោក អាសាដ និយាយកាលពីថ្ងៃអង្គារបន្ទាប់ពីការជួបជាមួយលោក Ali Akbar Velayati ទីប្រឹក្សាគោលនយោបាយការបរទេសរបស់មេដឹកនាំជាន់ខ្ពស់អ៊ីរ៉ង់លោក Ayatollah Ali Khamenei ថាសង្រ្គាមនៅក្នុងប្រទេសស៊ីរីនឹងបន្តរហូតដល់ការស្តារឡើងវិញនូវសន្តិសុខ និងស្ថេរភាពដល់គ្រប់តំបន់។ លោក អាសាដ និយាយថាកងទ័ពអារ៉ាប់ស៊ីរី (SAR) មិនត្រឹមតែចូលរួមជាមួយពួកភេរវករប៉ុណ្ណោះទេតែថែមទាំងជាអ្នកស្វែងរកការបែងចែកទឹកដី និងឱ្យរដ្ឋចុះខ្សោយផងដែរ។ ប្រធានាធិបតីស៊ីរីសំដៅទៅលើកងទ័ពសេរីស៊ីរី (FSA) និងកម្លាំងដឹកនាំដោយអាមេរិក (SDF) ដែលកំពុងប្រយុទ្ធនៅក្រុងដាម៉ាស់ដើម្បីត្រួតត្រាផ្នែកខ្លះនៅស៊ីរី។ ការអត្ថាធិប្បាយរបស់លោក អាសាដ នៅថ្ងៃអង្គារតាមសេចក្តីថ្លែងការណ៍ដោយលោក Velayati កាលពីថ្ងៃសុក្រថាកងទ័ពស៊ីរីនឹងប្រជែងជាមួយ (SDF) យកក្រុងរ៉ាកាមកវិញខណៈដែលក្រុងដាម៉ាស់នៅតែស្ថិតក្រោមការកាន់កាប់របស់ក្រុមរដ្ឋអ៊ីស្លាម។ លោក Velayati បន្តថា “យើងនឹងធ្វើជាសាក្សីនៃអនាគតរដ្ឋាភិបាលនាពេលខាងមុខព្រមទាំងកងកម្លាំងប្រជាប្រិយភាពនៅស៊ីរីនៅខាងកើតទន្លេអ៊ុយបឺដ និងការរំដោះទីក្រុងរ៉ាកា”៕
