ប្រភពព័ត៌មានពី RT ចុះផ្សាយថ្ងៃទី ២៧ ខែ វិច្ឆិកា ឆ្នាំ២០១៧
សកម្មជនគាំទ្រគណបក្សអ៊ីស្លាមនិយម Tehreek-i-Labaik Ya Rasool Allah នឹងបញ្ឈប់ការតវ៉ារយៈពេលជាច្រើនសប្ដាហ៍ក្រោយរដ្ឋាភិបាលយល់ព្រមតាមការទាមទាររបស់ពួកគេ។ ការទាមទារនោះរួមមានទាំងការឲ្យរដ្ឋមន្ត្រីក្រសួងច្បាប់លោក Zahid Hamid លាឈប់ពីការងារនៅព្រឹកថ្ងៃចន្ទនេះ។ រដ្ឋាភិបាលយល់ព្រមតាមការទាមទាររបស់សកម្មជនក្រោយពីមានការប៉ះទង្គិចគ្នាជាមួយក្រុមសកម្មជនទាំងនោះនៅចុងសប្ដាហ៍។ ការប៉ះទង្គិចនោះសម្លាប់មនុស្ស៧នាក់ និងបង្ករឲ្យមនុស្សច្រើនជាង២០០នាក់រងរបួស៕
