ប្រភពព័ត៌មានពី RT ចេញផ្សាយថ្ងៃទី ០៤ ខែ មេសា ឆ្នាំ២០១៨
លោកប្រធានាធិបតីរុស្ស៊ី វ៉្លាឌីមៀរ ពូទីន និយាយថាក្រុមរដ្ឋអ៊ីស្លាម (IS/ISIS) នៅក្នុងប្រទេសស៊ីរីបានបរាជ័យទាំងស្រុង។ ទោះជាយ៉ាងណាក៏ដោយក្រុមនេះនៅតែរក្សាសក្តានុពលបំផ្លិចបំផ្លាញ និងវាយប្រហារតំបន់ផ្សេងទៀតនៅទូទាំងពិភពលោក។ លោក ពូទីន ថ្លែងទៅកាន់សមាជិកសន្និសិទនៃក្រុងម៉ូស្គូស្តីអំពីសន្តិសុខអន្តរជាតិថា “ទោះបីជាការបរាជ័យខាងយោធាក៏ដោយក្រុមភេរវករនេះនៅតែមានសក្តានុពលក្នុងបំផ្លិចបំផ្លាញដ៏សំខាន់។ ក្រុមនេះអាចផ្លាស់ប្តូរយុទ្ធសាស្រ្តរបស់ខ្លួន ការវាយប្រហារនៅតាមបណ្តាប្រទេស និងតំបន់ផ្សេងៗនៅក្នុងពិភពលោក។ បើយោងតាមមេដឹកនាំរុស្សីរូបនេះបានឲ្យដឹងថាក្រុមអ្នកប៉ះបោរផ្សេងទៀតក៏បង្ហាញពីការគំរាមកំហែងធំដល់ពិភពលោកផងដែរ៕
