ប្រភពព័ត៌មានពី RT ចេញផ្សាយថ្ងៃទី ០៤ ខែ មេសា ឆ្នាំ២០១៨
សហព័ន្ធសេវាសន្តិសុខរុស្ស៊ី (FSB) ព្រមានថាអង្គការភេរវកម្ម២ក្រុមអាចបញ្ចូលគ្នាទៅជាបណ្តាញថ្មីមួយ។ បើសិនជាដូច្នោះមែនក្រុមភេរវករអាចនឹងទទួលបានបច្ចេកវិទ្យាផលិតអាវុធគីមី។ ប្រធានគ្រប់គ្រង FSB និងជាប្រធានគណៈកម្មាធិការជាតិប្រឆាំងភេរវកម្មលោក Aleksandr Bortnikov និយាយនៅថ្ងៃពុធនេះថាក្រុមរដ្ឋអ៊ីស្លាម (IS/ISIS) និងក្រុមអាល់កៃដាអាចរួមគ្នាជាបណ្តាញក្រុមភេរវកម្មថ្មីមួយ។ ក្រុមថ្មីនេះមានបណ្តាញឆ្លងកាត់ទូទាំងពិភពលោក និងអាចផលិតអាវុធគីមីបាន។ ដូចអង្គការបែបនេះនឹងមានភាពងប់ងល់ និងមានបណ្តាញយ៉ាងសកម្មនៅក្នុងបណ្តាប្រទេសជាច្រើនជុំវិញពិភពលោកដែលមានបទពិសោធន៏ខាងយោធា សកម្មភាពវិទ្ធង្សនានៅទីលាន និងទីក្រុង កត្តាបច្ចេកវិទ្យានិងហេដ្ឋារចនាសម្ព័ន្ធដើម្បីផលិតអាវុធគីមីពិតប្រាកដជាជាងអាវុធក្លែងក្លាយ។ ការព្រមានដ៏ព្រួយបារម្មណ៍នេះធ្វើឡើងនៅសន្និសីទទីក្រុងម៉ូស្គូលើកទី៧ស្តីពីសន្តិសុខអន្តរជាតិ។ ទន្ទឹមនឹងនេះក្រុមជ្រុលនិយមយកជម្លោះដ៏ស្រួចស្រាលរវាងមហាអំណាចពិភពលោកជាគោលដៅរបស់ពួកគេ ហើយអនុញ្ញាតឱ្យពួកគេមានវត្តមានបន្តទៀត។ ប្រធាន FSB និយាយថាការគំរាមកំហែងភេរវកម្មជាសកលមិនអាចលុបបំបាត់ដោយកិច្ចខិតខំប្រឹងប្រែងក្នុងតំបន់នោះទេ ប៉ុន្តែតម្រូវឱ្យមានវិធីសាស្រ្តរួមមួយដើម្បីបំពេញភារកិច្ចនេះ៕
