ប្រភពព័ត៌មាន RT ចុះផ្សាយថ្ងៃទី ២០ ខែមេសា ឆ្នាំ ២០១៨
អ្នកជំនាញកម្ចាត់គ្រាប់បែករំលាយគ្រាប់បែកដែលសល់ពីសង្គ្រាមលោកលើកទី ០២ ក្នុងក្រុង Berlin នៅថ្ងៃសុក្រក្រោយពីប៉ូលិសជម្លៀសមនុស្សចំនួនរាប់ពាន់នាក់រួច នេះយោងតាមប្រភពសេចក្តីរាយការណ៍របស់ Reuters ។ គេរកឃើញគ្រាប់បែករបស់ចក្រភពអង់គ្លេសទំងន់ ៥០០ គីឡូក្រាមនៅពេលគេកំពុងធ្វើការងារសាងសង់។ ក្រោយមកប្រជាជន អ្នកជម្ងឺ និងមន្ត្រី ការិយាល័យត្រូវគេជម្លៀសឲ្យនៅឆ្ងាយពីតំបន់នោះចម្ងាយ ៨០០ ម៉ែត្រ មុនពេលអ្នកជំនាញធ្វើការងាររំលាយគ្រាប់បែក។ ការដឹកជញ្ជូនតាមរថភ្លើងចម្ងាយឆ្ងាយ និងរថភ្លើងក្នុងតំបន់នៅស្ថានីយ៍កណ្តាលត្រូវផ្អាករយៈពេលជាច្រើនម៉ោង។ ទីក្រុងចាប់ផ្តើមវិលត្រឡប់ទៅរកភាពប្រក្រតីវិញក្រោយពីមានសញ្ញាច្បាស់លាស់នៅពេលរសៀលបញ្ជាក់ថា ការរំលាយទៅលើគ្រាប់បែកនេះគឺរួចរាល់ហើយ៕
