ប្រភពព័ត៌មាន CNN ចុះផ្សាយថ្ងៃទី ០១ ខែឧសភា ឆ្នាំ ២០១៨
មេដឹកនាំប្រទេសកូរ៉េខាងត្បូង លោក Moon Jae-in បញ្ចុះបញ្ចូលមេដឹកនាំកូរ៉េខាងជើងលោក Kim Jong Un ឱ្យមកចូលរួមកិច្ចប្រជុំនៅពេលខាងមុខរបស់លោកជាមួយប្រធានាធិបតីអាមេរិកលោក Donald Trump នៅតំបន់គ្មានយោធាដែលជាតំបន់ញែកប្រទេសកូរ៉េទាំងពីរ។
លោក Moon និង Kim ជួបគ្នានៅទីតាំងដូចគ្នានៅ Panmunjom នៅថ្ងៃសុក្រ ជាព្រឹត្ដិការណ៍ដ៏សំខាន់ជាប្រវត្តិសាស្ត្រផ្សាយតាមទូរទស្សន៍ទូទាំងពិភពលោក ដែលនាំឱ្យមានកិច្ចព្រមព្រៀងនុយក្លេអ៊ែរនៅឧបទ្វីបកូរ៉េ និងបញ្ចប់សង្គ្រាមនៅប្រទេសកូរ៉េជាផ្លូវការ។ លទ្ធភាពដ៏ខ្លាំងក្លាដែលកិច្ចប្រជុំកំពូលនឹងត្រូវធ្វើឡើងនៅកន្លែងនោះ ធ្វើទៅបាននៅលើផ្នែកខាងជើងនៃបន្ទាត់ព្រំដែនយោធាដែលបែងចែកប្រទេសទាំងពីរ យោងតាមប្រភពមន្រ្តីម្នាក់ដែលមានចំណេះដឹងជ្រៅ ជ្រះលើការគិតរបស់កូរ៉េខាងជើង។
ប្រភពព័ត៌មានបន្តថា ទីកន្លែងនេះមានអត្ថន័យបំផុតសម្រាប់លោក Kim ពីព្រោះប្រភពប្រព័ន្ធផ្សព្វផ្សាយ និងឧបករណ៍ត្រូវគេរៀបចំរួចហើយដែលអាចអនុញ្ញាតឱ្យកិច្ចប្រជុំកំពូលនេះប្រព្រឹត្តទៅនៅចុងខែឧសភា។ ការធ្វើដំណើរទៅកាន់តំបន់ភាគខាងជើងជាតំបន់គ្មានយោធា (DMZ) នឹងផ្តល់ ឱកាសជាប្រវត្តិសាស្ត្រសម្រាប់ Trump ផងដែរ ហើយលោក Moon អាចនឹងចូលរួមនៅក្នុងកិច្ចប្រជុំកំពូល នេះក្នុងសមាសភាពមួយចំនួន។
អ្នកនាំពាក្យរបស់ប្រធានាធិបតីកូរ៉េខាងត្បូង បង្ហាញខ្លួនគាំទ្រការជ្រើសរើសទីកន្លែងនៅពេលសួរអំពីសំណើនេះនៅពីថ្ងៃអង្គារ។ អ្នកនាំពាក្យរូបនេះបានប្រាប់អ្នកយកព័ត៌មានថា លោកគិតថា Panmunjom ពិតជាមានសារៈសំខាន់ណាស់ក្នុងនាមជាកន្លែងមួយដើម្បីលុបបំបាត់ការបែកខ្ញែក និងបង្កើតឱ្យមានព្រឹត្តការណ៍ថ្មីមួយសម្រាប់សន្តិភាព។ តើ Panmunjom មិនមែនជាកន្លែងនិមិត្តរូបទេ ឬអី?
