ប្រភពព័ត៌មានពី RT ចុះផ្សាយថ្ងៃទី ០៣ ខែ ឧសភា ឆ្នាំ២០១៨
អគ្គលេខាធិការអង្គការសហប្រជាជាតិលោក Antonio Guterres បានធ្វើការព្រមាននៅថ្ងៃព្រហស្បតិ៍ថានឹងលុបចោលកិច្ចព្រមព្រៀងនុយក្លេអ៊ែររបស់ប្រទេសអ៊ីរ៉ង់លុះត្រាតែមានជម្រើសមួយល្អប្រសើរ។ ប្រធានាធិបតីអាមេរិកលោក ដូណាល់ ត្រាំ គំរាមរំលាយកិច្ចព្រមព្រៀងអន្តរជាតិ។ ប្រសិនបើថ្ងៃណាមួយមានកិច្ចព្រមព្រៀងប្រសើរសម្រាប់ជំនួសកិច្ចព្រមព្រៀងនេះដែលជារឿងមួយដ៏ល្អ។ យោងតាមប្រភពប្រសាសន៍របស់លោក Guterres ប្រាប់ទូរទស្សន៍ BBC៤ បានឲ្យដឹងថាយើងមិនគួររំលាយវាទេលុះត្រាតែយើងមានជម្រើសដ៏ល្អមួយជំនួសជម្រើសនេះ។ បើយោងតាម Reuters ដកស្រង់សម្តីរបស់លោក Guterres បានឲ្យដឹងថា លោកជឿជាក់ថាផែនការសកម្មភាពរួម គឺជាជ័យជម្នះផ្នែកការទូតដ៏សំខាន់ហើយលោកគិតថាវាជាកត្តាសំខាន់ក្នុងការរក្សាកិច្ចព្រមព្រៀងនេះ។ ប្រមុខអង្គការសហប្រជាជាតិបន្ថែមថាមានតំបន់ជាច្រើនដែលសាកសមសម្រាប់កិច្ចសន្ទនាប្រកបដោយអត្ថន័យពីព្រោះលោកមើលឃើញតំបន់ដែលគេរើសនោះស្ថិតក្នុងទីតាំងគ្រោះថ្នាក់បំផុត៕
