ប្រភពព័ត៌មាន reuters ចុះផ្សាយថ្ងៃទី ០២ ខែឧសភា ឆ្នាំ ២០១៨
អ្នកបំផ្ទុះគ្រាប់បែកអត្តឃាតវាយលុកការិយាល័យកណ្ដាលនៃគណៈកម្មការបោះឆ្នោតនៅប្រទេសលីប៊ីក្នុងក្រុង Tripoli នៅថ្ងៃពុធ។ ហេតុការណ៍នេះសម្លាប់មនុស្សយ៉ាងហោចណាស់ ១២ នាក់ និងដុតផ្ទះដែលរង ការវាយប្រហារ នេះយោងតាមការអះអាងពីក្រុមសកម្មប្រយុទ្ធរដ្ឋអ៊ីស្លាម។ ក្រុមមន្ត្រីនិយាយថា អ្នកវាយប្រហារធ្វើការបាញ់ទៅលើបុគ្គលិករបស់គណៈកម្មាធិការជាតិរៀបចំការបោះឆ្នោត (HNEC) និងប្រយុទ្ធដោយប្រើកាំភ្លើងប្រឆាំងជាមួយកងកម្លាំងសន្តិសុខដែលព្យាយាមគ្រប់គ្រងតំបន់នោះឡើងវិញ។
ការវាយប្រហារនេះហាក់ដូចជាមានបំណងចង់បញ្ឈប់ការរៀបចំការបោះឆ្នោតក្នុងប្រទេសលីប៊ីនៅចុងឆ្នាំ ដែលការរៀបចំនេះជាផ្នែកមួយនៃការដឹកនាំរបស់ U.N. ដើម្បីបង្រួបបង្រួមប្រទេសក្រោយពីមានជម្លោះ និងដោះស្រាយបញ្ហាផ្នែកនយោបាយ។ ចាប់តាំងពីខែធ្នូមក គណៈកម្មាការបោះឆ្នោតចុះឈ្មោះអ្នកបោះ ឆ្នោតជិត ០១ លាននាក់នៅទូទាំងប្រទេសលីប៊ី បើទោះបីជាពុំទាន់មានការកំណត់កាលបរិច្ឆេទសម្រាប់ ការបោះឆ្នោតក៏ដោយ។ ការវាយប្រហារនៅថ្ងៃពុធ គឺជាការវាយប្រហារលើកដំបូងនៅក្នុងក្រុង Tripoli គិតចាប់តាំងពីឆ្នាំ ២០១៥ មក ។
ទោះបីជាសន្តិសុខនៅទូទាំងប្រទេសលីប៊ីមានការប្រែប្រួលក៏អំពើហឹង្សាក្នុងរដ្ឋធានីពាក់ព័ន្ធនឹងការប៉ះទង្គិចគ្នារវាងក្រុមប្រដាប់អាវុធមានកំណត់។ ភ្លាមៗនោះក្រោយពីមានការ វាយប្រហារ គេផ្សែងខ្មៅចេះពីការិយាល័យគណៈកម្មការបោះឆ្នោតនៅក្នុងសង្កាត់ Ghout al-Shal នៅភាគខាងលិចនៃរដ្ឋធានី Tripoli។ អ្នកនាំពាក្យគណៈកម្មការបាននិយាយថា លោកឃើញអ្នកបំផ្ទុះគ្រាប់បែកអត្តឃាតពីរនាក់ ហើយពួកគេបានស្រែក Allahu Akbar (ព្រះដ៏អស្ចារ្យបំផុត) នៅពេលការវាយប្រហារកើតឡើង។ អ្នកបំផ្ទុះគ្រាប់បែកអត្តឃាតម្នាក់បំផ្ទុះខ្លួនឯងក្នុងកន្លែងគណៈកម្មការ ហើយម្នាក់ផ្សេងទៀតដុតភ្លើងនៅផ្នែកមួយទៀតរបស់អគារ។
មន្ត្រីសន្តិសុខម្នាក់និយាយថា ខ្មាន់កាំភ្លើងជាច្រើននាក់បើកការបាញ់ប្រហារលើឆ្មាំសន្តិសុខខណៈដែលអ្នកបំផ្ទុះគ្រាប់បែកអត្តឃាតចូលក្នុងអាគារ ហើយមួយចំនួនទៀតក្រោយមកប្រហែលជារត់គេចខ្លួន។ អ្នកបំផ្ទុះគ្រាប់បែកបាញ់បុគ្គលិកជាច្រើនអ្នកស្លាប់មុនពេលចូល បំផ្ទុះគ្រាប់បែក នេះយោងតាមមន្ត្រីម្នាក់ដែលសុំមិនបញ្ចេញឈ្មោះ។ រដ្ឋអ៊ីស្លាមប្រកាសទទួលខុសត្រូវចំពោះការវាយប្រហារក្នុងសេចក្តីថ្លែងការណ៍មួយនៅលើបណ្តាញ Amaq ដែលជាទីភ្នាក់ងារព័ត៌មាន របស់ខ្លួន។ ក្រុមឃាតករពីរនាក់ គេស្គាល់ឈ្មោះថា Abu Ayoub និង Abu Toufik ប៉ះទង្គិចគ្នាជាមួយកងកម្លាំងសន្ដិសុខមុននឹងចូលក្នុងអាគារ និងបំផ្ទុះ នេះយោងតាមប្រភពព័តមានពីក្រុម jihadist ។
ក្រសួងសុខាភិបាលនិយាយថា មនុស្សចំនួន ១២ នាក់ត្រូវគេអះអាងថាស្លាប់ និងមនុស្សចំនួនប្រាំពីរនាក់ទៀត រងរបួស។ ភាគច្រើននៃជនរងគ្រោះគឺជាបុគ្គលិករបស់ HNEC ហើយយ៉ាងហោចណាស់មានបុគ្គលិកសន្តិសុខពីរនាក់ស្លាប់ នេះយោងតាមប្រភពរដ្ឋមន្រ្តីក្រសួងមហាផ្ទៃ លោក Abdulsalam Ashour ប្រាប់សន្និសីទសារព័ត៌។ អគ្គីភ័យធ្វើឱ្យអាគារគណៈកម្មការរងការខូចខាត ប៉ុន្តែទោះបីជាយ៉ាងនេះក្តីប្រធាន របស់ HNEC លោក Emman al-Sayah និយាយថា មូលដ្ឋានទិន្នន័យបោះឆ្នោតមានសុវត្ថិភាព។
ការវាយប្រហារនេះកំណត់គោលលើលទ្ធិប្រជាធិបតេយ្យមិនត្រឹមតែជា HNEC ទេ ហើយជម្រើស និងអនាគតរបស់ប្រជាជនលីប៊ី ក៏ត្រូវគេកំណត់គោលដៅ នេះយោងតាមប្រភព Sayah ប្រាប់ក្រុមអ្នកយក ព័ត៌មាន។ ប្រទេសលីប៊ីស្ថិតក្នុងភាពចលាចលចាប់តាំងពីមានសង្គ្រាមស៊ីវិលឆ្នាំ ២០១១ បណ្តាលឱ្យមាន ការផ្ដួលរំលំអតីតមេដឹកនាំលោក Muammar Gaddafi ដែលធ្វើឡើងដោយពួកយុទ្ធជនឧទ្ទាមមានការគាំទ្រពីកម្លាំងវាយប្រហារតាមអាកាសរបស់ NATO។
ក្រុមសកម្មប្រយុទ្ធដែលមានទំនាក់ទំនងជាមួយនឹងរដ្ឋអ៊ីស្លាមធ្វើការបំផ្ទុះគ្រាប់បែកអត្តឃាតនៅទូទាំងភាគខាងជើងនៃប្រទេស ទោះបីជាក្រុមនេះបាត់បង់អ្នក ប្រយុទ្ធភាគច្រើនរបស់ខ្លួនក្នុងប្រទេសលីប៊ីនៅពេលដែលគេដេញក្រុមនេះចេញពីមូលដ្ឋានរឹងមាំរបស់ខ្លួននៅកណ្តាលទីក្រុង Sirte នៅឆ្នាំ ២០១៦ ។ មន្រ្តីលីប៊ី និងមន្រ្តីលោកខាងលិចនិយាយថា ពួកសកម្មប្រយុទ្ធ រួមទាំងពួកយុទ្ធជនស្មោះត្រង់នឹងរដ្ឋអ៊ីស្លាម និង al Qaeda ឥឡូវនេះប្រមូលផ្តុំនៅតំបន់វាលខ្សាច់ដាច់ ស្រយាល ប៉ុន្តែក៏មានសមាជិកក្រុមងងឹតនៅទីក្រុងឆ្នេរសមុទ្ររួមទាំងទីក្រុង Tripoli ផងដែរ។
នៅថ្ងៃអាទិត្យ កិច្ចប្រជុំរួមមួយរបស់សម្ព័ន្ធអារ៉ាប់ សហភាពអឺរ៉ុប សហភាពអាហ្វ្រិក និងអង្គការសហប្រជាជាតិសង្កត់ ធ្ងន់លើសារៈសំខាន់នៃការបោះឆ្នោតសភា និងប្រធានាធិបតីក្នុងប្រទេសលីប៊ី ដោយអះអាងថា ពួកគេគ្រោង ធ្វើនៅចុងឆ្នាំនេះ។ មន្រ្តីលីប៊ី និងមន្រ្តីបរទេសមួយចំនួនចោទសួរពីការជំរុញយ៉ាងណាឱ្យមានការបោះឆ្នោតថ្មីដោយបង្ហាញពីការព្រួយបារម្ភអំពីកង្វះសន្តិសុខ និងបញ្ហាប្រឈមខាងផ្នែកច្បាប់ និងផ្នែកភស្តុភារ៕
