ប្រភពព័ត៌មាន RT ចុះផ្សាយថ្ងៃទី ០៣ ខែឧសភា ឆ្នាំ ២០១៨
ផ្នែកមួយនៃភាគខាងត្បូងប្រទេសស៊ីរី ដែលសហរដ្ឋអាមេរិករឹបអូសយកមកគ្រប់គ្រងក្លាយទៅជាទីជម្រកសុវត្ថិភាពសម្រាប់ពួកសកម្មប្រយុទ្ធ នេះយោងតាមប្រភពព័ត៌មានពីរដ្ឋមន្ត្រីការបរទេសរុស្ស៊ី។ លោកបន្ថែមថា ក្រុមសកម្មប្រយុទ្ធដដែលនេះកំពុងតែរារាំងការផ្តល់ជំនួយមនុស្សធម៌។
នៅថ្ងៃព្រហស្បតិ៍ លោក Sergey Lavrov អះអាងជាថ្មីអំពីការរិះគន់របស់ប្រទេសរុស្ស៊ីចំពោះវត្តមានរបស់អាមេរិកក្នុងតំបន់ At-Tanf ដែលជាតំបន់ស្ថិតនៅតាមព្រំដែនប្រទេសស៊ីរីជាមួយប្រទេស Jordan ។ កងទ័ពសហរដ្ឋអាមេរិកប្រកាសជាឯកតោភាគីថា កម្លាំងយោធាទាំងនោះស្ថិតនៅក្រោមកិច្ចការពាររបស់ខ្លួននៅខែមេសាឆ្នាំ ២០១៧ ហើយយោងតាមប្រភពព័ត៌មានពីរដ្ឋមន្ត្រីរុស្ស៊ីអះអាងថា រឿងសកម្មភាពប្លែកៗកំពុងកើតឡើងនៅទីនោះ។
សកម្មភាពទាំងនោះរួមមានក្រុមប្រដាប់អាវុធទទួលបានទីជំរក និងឱកាស ដើម្បីសង្គ្រោះក្នុងជំរុំជនភៀសខ្លួន Rukban ។ ជំរុំនោះស្ថិតក្នុងតំបន់គ្រប់គ្រងដោយសហរដ្ឋអាមេរិកក្រោយពីសហរដ្ឋអាមេរិកបន្តធ្វើសង្គ្រាមរំលោភលើកិច្ចព្រមព្រៀង បទឈប់បាញ់ទាំងអស់។ តាមរយៈកិច្ចសន្ទនាជាមួយសមភាគីប្រទេស Jordan មានលោក Ayman Safadi នោះ លោក Lavrov មានប្រសាន៍ថា ក្រុមសកម្មប្រយុទ្ធដែលត្រូវសហរដ្ឋអាមេរិកការពារនោះ គឺជាមូលហេតុដែលជំរុំនោះមិនអាចទទួលបានការផ្គត់ផ្គង់តាមតម្រូវការចាំបាច់។ អស់រយៈពេល ជាយូរមកហើយ ជនជាតិអាមេរិករារាំងមិនឱ្យមានការចូលទៅដល់ក្បួនជំនួយមនុស្សធម៌ដោយអះអាងថា រដ្ឋាភិបាលស៊ីរីនឹងមិនអនុញ្ញាត។
នោះជារឿងមិនពិត។ បញ្ហាទាំងអស់របស់រដ្ឋាភិបាលស៊ីរី និងអង្គការជំនួយនានាត្រូវគេដោះស្រាយរួចហើយ។ ការពិតពេលនេះមានតែសហរដ្ឋអាមេរិកប៉ុណ្នោះដែលមិនផ្តល់ការធានាសុវត្ថិភាពគ្រប់គ្រាន់ដើម្បីអនុញ្ញាតឱ្យប្រជាជនមានសិទ្ធិចូលដល់ក្នុងជំរំសង្គ្រោះ។ លោក Lavrov បន្ថែមថា សហរដ្ឋ អាមេរិកធ្លាប់ស្នើថា ជំនួយអ្វីក៏ដោយដែលគេផ្តល់ឲ្យត្រូវតែបែកចែកឲ្យប្រជាជននៅ Rukban ។
Lavrov រិះគន់ចំពោះគំនិតនេះ។ យើងឃើញករណីនេះជាច្រើនលើកមកហើយរាប់បញ្ចូល ទាំងករណីកើតឡើងនៅភាគខាងកើតទីក្រុង Aleppo និងភាគខាងកើតតំបន់ Ghouta ដោយជំនួយមនុស្សធម៌ត្រូវពួកសកម្មប្រយុទ្ធរឹបអូស ឬលក់ក្នុងតម្លៃខ្ពស់។ លោកបន្តថា នោះមិនមែនជាដំណោះស្រាយទេ ។ ទីក្រុង Moscow កំពុងរិះគន់យ៉ាងខ្លាំងចំពោះការដាក់ ពង្រាយកងទ័ពរបស់អាមេរិកក្នុងប្រទេសស៊ីរីដោយនិយាយថា សកម្មភាពនេះជាការកាន់កាប់ខុសច្បាប់ និងជាការប៉ុនប៉ងដើម្បីបំបែកប្រទេស។
ទន្ទឹមនឹងនេះតំបន់ At-Tanf មានទំហំតូចដែលមានចំងាយ ៥៥ គីឡូម៉ែត្រជុំវិញទីតាំងឈរជើងរបស់យោធាអាមេរិក ហើយកងទ័ពអាមេរិកក៏មានវត្តមានក្នុងផ្នែកធំមួយនៅភាគពាយ័ព្យនៃប្រទេសស៊ីរីផងដែរ។ សហរដ្ឋអាមេរិកពុំមានអាណត្តិពីក្រុមប្រឹក្សាសន្តិសុខអង្គការសហប្រជាជាតិ និងពុំទទួលបានការអញ្ជើញពីក្រុង Damascus ឱ្យស្ថិតក្នុងប្រទេសស៊ីរីនោះទេ៕
