ប្រភពព័ត៌មាន Salaam Times ចុះផ្សាយថ្ងៃទី ១០ ខែឧសភា ឆ្នាំ ២០១៨
កងកម្លាំងសន្តិសុខអាហ្វហ្គានីស្ថានដណ្តើមបានស្រុកមួយក្នុងចំណោមស្រុកចំនួនពីរដែលកាន់កាប់ដោយក្រុម Taliban នៅភាគខាងជើងប្រទេសអាហ្វហ្គានីស្ថាន នេះយោងតាមប្រភពព័ត៌មានពីមន្រ្តី ប្រទេសអាហ្វហ្គានីស្ថាន។
ពួក Taliban កាន់កាប់ត្រួតត្រាស្រុក Tala Wa Barfak ក្នុងខេត្ត Baghlan និងស្រុក Bilchiragh ក្នុងខេត្ត Faryab នៅថ្ងៃអង្គារ។ ទោះយ៉ាងណានៅថ្ងៃពុធ កងទ័ពអាហ្វហ្គានីស្ថានដណ្តើមបានស្រុក Bilchiragh មកវិញ នេះយោងតាមប្រភពព័ត៌មានពីលោក Mohammad Hanif Rezayee អ្នកនាំពាក្យឱ្យកងកម្លាំង Shaheen ទី 209 នៃកងទ័ពជាតិអាហ្វហ្គានីស្ថានប្រាប់កាសែត Salaam Times នៅល្ងាចថ្ងៃព្រហស្បតិ៍។
លោកបន្តថា ពួកសកម្មប្រយុទ្ធតាលីបង់រងគ្រោះយ៉ាងធ្ងន់ធ្ងរក្នុងអំឡុងពេលមានប្រតិបត្តិការនេះ។ ពួកសកម្មប្រយុទ្ធចំនួន ២២ នាក់ក្នុងនោះមានមេបញ្ជាការចំនួន ០៣ នាក់ស្លាប់ និងមនុស្ស ចំនួន ០៧ នាក់ផ្សេងទៀតរងរបួស និងមានសកម្មយុទ្ធផ្សេងទៀតរត់គេចខ្លួន។
លោកបន្ថែម ថាកងកម្លាំងសន្តិសុខមានរួចជាស្រេចក្នុងការដណ្តើមតំបន់ Tala Wa Barfak មកវិញ។កងកម្លាំងកុម្ម៉ង់ដូ យោធា ប៉ូលិស និងកងកម្លាំងទ័ពអាកាសធ្វើដំណើរទៅជិតស្រុកនោះពី ទិសដៅចំនួនបីផ្សេងគ្នាគឺពីជ្រលងភ្នំ Tarmoz ជ្រលង Kian និងខេត្ត Bamiyan ។ ពួកគេនឹងដណ្តើមខេត្តមួយទៀតមកវិញនៅពេលឆាប់ៗនេះ។ កងកម្លាំងសន្តិសុខកំពុងចាត់វិធានការប្រុងប្រយ័ត្ន ពីព្រោះពួកសកម្មប្រយុទ្ធបំផ្ទុះស្ពានចោលហើយពួកគេអាចមានលទ្ធភាពបង្កប់គ្រាប់មីនក្នុងតំបន់នោះ៕
