ប្រភពព័ត៌មាន Salaam Times ចុះផ្សាយថ្ងៃទី ១០ ខែឧសភា ឆ្នាំ ២០១៨
ការវាយប្រហារចំនូនពីរលើកកើតឡើងនៅស្ថានីយ៍ប៉ូលិសក្នុងក្រុង Kabul ។ ការវាយប្រហារនេះសម្លាប់មនុស្ស និងបង្ករឲ្យមនុស្សរងរបួសចំនួន ២៣ នាក់។ ទីភ្នាក់ងារចារកម្មប្រទេសអាហ្វហ្គានីស្ថាន (National NDS) បន្ទោសលើបណ្ដាញ Haqqani របស់ក្រុម Taliban និងក្រុមសកម្មប្រយុទ្ធប៉ាគីស្ថាន Lashkar-e-Taiba ចំពោះឧប្បត្តិហេតុទាំងពីរនេះ។ ក្រុម Taliban និងក្រុមអ៊ីស្លាមនៃរដ្ឋអ៊ីរ៉ាក់ និងស៊ីរី (ISIS) អះអាងនៅពីក្រោយការវាយប្រហារ។ ISIS ទទួលស្គាល់ថា ពួកគេធ្វើការវាយឆ្មក់លើស្ថានីយ៍ប៉ូលិសក្នុងសង្កាត់ Shia ។
ក្រុម Taliban និយាយថា ការវាយប្រហារនៅមុខស្ថានីយប៉ូលិសនៅសង្កាត់ Shar-e-Naw គឺជាការសងសឹកចំពោះការវាយប្រហារតាមអាកាសរបស់អាហ្វហ្គានីស្ថាន។ ការវាយប្រហារនោះធ្វើឡើងលើពិធីសាសនាមួយក្នុងទីប្រជុំជនរបស់ Taliban ដែលស្ថិតនៅខាងជើងប្រទេស អាហ្វហ្គានីស្ថាននៅថ្ងៃទី ០២ ខែមេសា។ ចំនួនអ្នកស្លាប់ពីការវាយប្រហារទាំងពីរលើកកើន ដល់ចំនួន ១០ នាក់ នេះយោងតាមប្រភពក្រសួងសុខាភិបាលបញ្ជាក់ឲ្យដឹងនៅ ថ្ងៃព្រហស្បតិ៍នេះ៕
